PAGHANDURAW SA KASAYSAYAN

Ang Museo Iloilo, ginakabig nga museo sang probinsya, ang labing una nga museo sang Pilipinas sa luwas sang Manila nga ginpundohan sang gobyerno. Ang museo nagapanalipod sang kultura nga palanublion sang banwa. Ang sadto nga ngalan  sini amo ang Chairman Handumanan Juan Pablo II Museo Iloilo.

Ang desinyo sini halin sa Ilonggo nga si arkitekto Sergio Peñasales. Gintukod sadtong 1971, nagasilbi ini nga mayor nga bulotangan sang ihibalo sa kultura sang rehiyon.

Nagatampok ini sang permanente kag nagatuyok nga pasundayag nga nagasakop sang kasaysayan sang rehiyon halin sa prehistoriko nga panahon tubtub sa kapanahonan karon.

Ang tinaga nga (Μουσεῖον) museo buot silingon “museum” sa Espanyol, Italian kag Tagalog. Ang madalom nga maragtason nga kahulugan sini sa pagtukib sang ginhalinan amo ang tinaga nga mouseion (Μουσεῖον) sa griyego nga pulong.

Ang sinauna nga museo isa ka duog sang pagtuon nga ginapasad para sa pilosopiya, inspirasyon kag pagpamalandong kag indi lamang talaguan sang mga dumaan nga pagkabutang.

Lakip sa mga panguna nga puntos sang museo amo ang mga masunod:

Tumandok nga Kultura: Tradisyonal nga bayo, mga urma kag naga pasundayag nga etnograpiko nga nagatiglawas sa mga lokal nga grupo sang mga tumandok kaangay sang mga tribu Ati kang Mondo.

Mga Relikya sang Kasaysayan: Panahon sang mga Espanyol nga mga Relihiyoso nga Eskultura, mga litrato sang panahon sang kolonyalismo kag mga handumanan sang giyera.

Mga lokal na Taliambong: Moderno kag kontemporaryo ng mga laragway kag iskultura nga ginhimo sang mga local nga manughatod arte nga Ilonggo.

(Ang artikulo halin sa Wikipedia kag ginlubad sa pulong Hiligaynon sang tagsulat)