PAGHANDURAW SA KASAYSAYAN: FORT SAN PEDRO, Iloilo
FORT SAN PEDRO, Iloilo
Ginatawag man nga Fuerza de Nuestra Señora del Rosario, isa ka maragtason nga kuta sang militar nga gintukod sadtong 1600 agod pangapinan ang rehiyon sa mga mananakop. Ang pagpasad sini halin sa kasugoan ni Gobernador Heneral Pedro Bravo de Acuna. Ang tion sang pagtukod ginbanta nga natabo sa tunga sang mga tuig 1602-1616.
Ikaduha ini nga Baluarte sang Espanya nga gintukod sa Pilipinas kag Asya, nagsunod sa Fort San Pedro Cebu. Ang tagsa ka kilid sini natakus sa pagbolubanta nga 60 metros. Ang mga dalagku nga bato nga gingamit sang mga manugpatindog naghalin sa Guimaras kag ang mga bato nga pagang (coral stones) halin sa baybayon sang Panay.
Ang mabaskog nga linog sadtong 1910 nagtuga sang daku nga halit sa daan nga estruktura. Sadtong World War II, sa padumalahan sang mga Hapon, ginhimu nila ini nga prisohan sang mga nadakop nga mga hangaway. Apang sadtong 1945 ginbomba ini sing mabaskog sang mga pwersa sang liberasyon sang Amerika nga nagwasak sang baluarte. Sang ulihi gintinluan sang mga tinawo ang mga dagotdot (debris) agod mahatagan lugar ang pangpubliko nga parke.

Sang 2016, ang National Museum of the Philippines nagdeklara sining lugar bilang Talalupangdon nga Pagkabutang sang Kultura (Important Cultural Property).
Sining 2026, nagapaidalom ini sang pagpasag-uli (restoration) sa pagpanikasog sang syudad kag mga hubon sang pamanas (heritage groups) sa tuyo nga maibalik sa daan nga kahimtangan kag matipigan ang nabilin sa maragtason nga duog.
(Gingikanan sang artikulo: Wikipedia kag ginlubad sa pulong Hiligaynon sang tagsulat)
Comments (0)
LEAVE A REPLY
No comments yet
Be the first to share your thoughts!
Related Articles

BAHANDING BILIDHON: Tumandok, Du-og kag mga Sinulatan
Ni Dante Villanueva Aguilar Ang fort San Pedro ang mahipos nga saksi sang akon mapangahas nga kabataan. Sadtong buhi pa ang akon amay pagkatapos namon simba kon Domingo deretso na kami sa port agod maglangoy. Natunga sa duha ka sea wall ang port. Ang una para sa mga kabataan kaangay ko kay mababaw lang ang

KILALAHON NATON ANG TUMANDOK NGA MANUNULAT KAG ANG IYA MGA SINULATAN; RET. AMB. LEO TITO L. AUSAN JR.
RET. AMB. LEO TITO L. AUSAN JR. Mamalaybay kag Manunolat sa pulong Hiligaynon kag Ingles Ambassador Extraordinary and Plenipotentiary (AEP) ukon Amba Leo, sa malip-ot nga pagkilala sa iya, isa ka Centralian. Nagtapos sa Central Philippine University sang Bachelor of Arts Major in Political Science, Minor in English, cum laude, sadtong tuig 1983. Nagpadayon sang

Pulong Hiligaynon para sa Tanan
Kon ang tinaga may tatlo ka O ukon U nga tunog, kag ang katapusan nga duha nagaipingay, ang nahauna kag ikaduha dapat U kag ang katapusan O. (If the word has three o or U sound and the last two are side by side, the first and second shall be U and the last shall
