KILALAHON NATON ANG TUMANDOK NGA MANUNULAT KAG ANG IYA MGA SINULATAN; RET. AMB. LEO TITO L. AUSAN JR.
RET. AMB. LEO TITO L. AUSAN JR.
Mamalaybay kag Manunolat sa pulong Hiligaynon kag Ingles

Ambassador Extraordinary and Plenipotentiary (AEP) ukon Amba Leo, sa malip-ot nga pagkilala sa iya, isa ka Centralian. Nagtapos sa Central Philippine University sang Bachelor of Arts Major in Political Science, Minor in English, cum laude, sadtong tuig 1983.
Nagpadayon sang iya pagtuon sang Philippine Law sa University of the Philippines College of Law Diliman, Quezon City. Matapos makumpleto ang iya pagtuon sang abogasya sa UP, naghanas kag nagtudlo sia sang makadali sa siyudad kag probinsiya sang Iloilo.
Sang ulihi nangin Career Philippine Diplomat, pagkatapos makuha ang ikatlo nga pwesto sa 1995 National Foreign Service Examinations. Nangin anay Philippine Ambassador sa Bangladesh, Sri Lanka kag Maldives, kag nagpuyo sa Dhaka (2022-2024).
Tumandok sang Antique kag nagdaku sa Iloilo. Nagpasakop ini sa mga internasyonal nga paindis indis sa Ahedres. Mahuyugon ini sa pagsulat sang mga ambahanon kag binalaybay. Ang iya ambahanon nga “Kung Mag-isa Lang”, ginpasundayag sang Bahandi Chorale sadtong Investiture ni President Ernest Howard Dagohoy sang November 2023. Ang video productions sang iya iban pa nga mga komposisyon, mahimu malantaw sa iya YouTube channel, “Toto Zarraga”.
Ang duha ka koleksyon sang iya mga binalaybay nabalhag sa Dhaka, Bangladesh sadtong 2024 (1) Sleepless in Dhaka (Binalaybay sa Englis) kag (2) Kahapunanon, Tigtulugnaw, Tig-ilinit, kag Mga Tibud sand Kalisud, kag iban pa nga mga binalaybay nga sang Makaako sa akon ginburibud (Binalaybay sa Hiligaynon), nga naghatag sa iya sang bansag nga Poet Diplomat.

Naangkon ni Amba Leo, ang iya Master of Laws (LL.M.) sa International Maritime Law sadtong (2005- 2006) sa International Maritime Organization’s International Maritime Law Institute (IMLI) sa pungsod Malta.
Bag-o nangin Ambassador sadtong 2022, Ang pila niya ka mga dumuluong nga katungdanan amo ang mga masunod: Consul, sa Philippine Consulate General sa Hongkong (2019-2023); Deputy Consul General sa Vancouver, Canada (2017-2019); Consul General kag Consul sa Philippine Consulate General sa Jeddah, Saudi Arabia (2008-2015); 2nd Secretary and Consul sa Philippine Embassy sa Berlin, Germany (2002-2004); kag 3rd Secretary and Vice Consul/Consul sa Philippine Embassy, Pretoria, South Africa (1998- 2002).
Sa tunga-tunga sang iya mga katungdanan sa gwa sang pungsod, nagserbisyo si Amba Leo sa pungsod paagi sa Department of Foreign Affairs in Manila, sa nagkalainlain nga kapasidad nga may mataas nga responsibildad bilang: Acting Assistant Secretary/Executive Director sa Office of Legal Affairs (OLA) (2016-2017) kag Executive Director para sa Maritime and Ocean Affairs Office (MOAO) (2015-2016).
Si Amba Leo nakapangalagad na sa Philippine Department of Foreign Affairs, sa sulod sang tatlo ka dekada, kag nagretiro sa serbisyo sang pag-abot niya sang edad nga 65 nga amo ang obligado nga pagretiro sang isa ka opisyal sa gobyerno.
Si Amba Leo nakapangasawa kay Agnes M. Brazas, sang Zarraga, Iloilo. Kabutho niya sadto sa Political Science. Nagtaliwan na ini sadtong Oktubre 2025. Ginbugayan sila sang two (2) ka mga anak – Agnesette Marie, 36 anyos nga isa ka fashion designer (nagtaliwan na sadtong Nobyembre 2021) kag si Carlyle Leo, 38 anyos kag isa ka IT security specialist, nga nagapangalagad sa subong sa Philippine Coast Guard, bilang isa ka komisyonado nga opisyal.
Karon malipayon siya nga nagasugod sang bag-o nga pangabuhi kaupod ang iya matahum kag mabuot nga gintambi palad nga si Czynni Ynaiz Rean Decolongon Muranda Ausan sang Barangay Bacong, Dumangas Iloilo. Si Ynaiz kaangay man niya nga mahuyugon sa pagsulat sang binalaybay kag musika.
(Opisyal nga talambuhay ni LT Ausan nga ginlubad sa pulong Hiligaynon sang tagsulat)
Comments (0)
LEAVE A REPLY
No comments yet
Be the first to share your thoughts!
Related Articles

BAHANDING BILIDHON: Tumandok, Du-og kag mga Sinulatan
Ni Dante Villanueva Aguilar Ang fort San Pedro ang mahipos nga saksi sang akon mapangahas nga kabataan. Sadtong buhi pa ang akon amay pagkatapos namon simba kon Domingo deretso na kami sa port agod maglangoy. Natunga sa duha ka sea wall ang port. Ang una para sa mga kabataan kaangay ko kay mababaw lang ang

PAGHANDURAW SA KASAYSAYAN: FORT SAN PEDRO, Iloilo
FORT SAN PEDRO, Iloilo Ginatawag man nga Fuerza de Nuestra Señora del Rosario, isa ka maragtason nga kuta sang militar nga gintukod sadtong 1600 agod pangapinan ang rehiyon sa mga mananakop. Ang pagpasad sini halin sa kasugoan ni Gobernador Heneral Pedro Bravo de Acuna. Ang tion sang pagtukod ginbanta nga natabo sa tunga sang mga

Pulong Hiligaynon para sa Tanan
Kon ang tinaga may tatlo ka O ukon U nga tunog, kag ang katapusan nga duha nagaipingay, ang nahauna kag ikaduha dapat U kag ang katapusan O. (If the word has three o or U sound and the last two are side by side, the first and second shall be U and the last shall
