PAGHANDURAW SA KASAYSAYAN

Si Purificacion “Pura” Garcia Villanueva Kalaw ginbun-ag sadtong Agosto 27, 1886. Tumandok sang Villa, distrito sang Arevalo. Sia ang labing una nga ginkoronahan bilang Reyna sang Manila Carnival ukon Reyna del Oriente sadtong 1906. Gintukod sini ang Asociacion Feminista Ilongga sang tuig 1906. Isa ini ka hubon nga nakigbato sa kinamatarong sang mga kababaihan agod makaboto sa eleksiyon sa pagsugod sang 1937. Kaupod sini, ginpangunahan man niya ang pagsulong sang mga reporma sa sosyudad.

Si Pura isa ka mamantala kag manunulat sa El Tiempo sa diin iya ini gingamit agod matib-ong ang pag-alalangay kag edukasyon. Nakabalhag man ini sang mga libro kaangay sang Condimentos Indigenas sadtong 1918, isa sa labing una na libro sang pungsod nga nagatalakay sa estilo sang pagluto sang rehiyon. Nagtaliwan sadtong Marso 22, 1954 sa edad nga 67.

Nabilin niya sa kalisod ang iya duha ka bata nga sanday Purita Kalaw Ledesma kag Maria Kalaw Katigbak nga isa man ka mamantala, beauty queen kag nangin Senador ang pungsod sadtong 1961-1967. (Gingikanan sang artikulo: Wikipedia kag ginlubad sa pulong Hiligaynon sang tagsulat)