PAHIBALO SA MGA KATAPO-KONSUMIDORES SANG ILECO III

Sa pagsunod sang mando sang Energy Regulatory Commission (ERC) nga ginpagwa sang tinalikdan nga Oktubre 29, 2020, ginapahibalo sa tanan nga katapo-konsumidores sang Iloilo III Electric Cooperative, Inc. (ILECO III) nga indi magpatigayon sang pagpang-utod sang serbisyo sang kuryente ang kooperatiba asta sa Disyembre 31, 2020 para sa mga wala nabayaran nga electric bills nga naga kunsumo sang 50 kwh panubo. Ang nasambit nga basihan nga kunsumo ang doble sa natalana kag aprubado sang ERC nga lifeline consumption level sang ILECO III nga 25 kwh kada bulan.

Ang ini nga mando magasakop lamang sa billing periods sa bulan sang Setyembre, Oktubre, Nobyembre kag Disyembre 2020 para sa mga nagakonsumo sang 0-50 kwh. Ini base sa ti-on sang pagpasar sang Bayanihan To Recover as One Act-Bayanihan 2 sang Setyembre 14, 2020.

Ang mga katapo-konsumidores ang ginapangabay sa gihapon nga bayaran ang mga bills santo sa natalana nga due date para sa padayon nga cash flow sang kooperatiba agud masustenir ang operasyon kag masiguro nga bastante ang supply sang kuryente.

Ang mga opisina kag ahensiya sang gobyerno, government owned and controlled corporations (GOCCs) subong man ang iban pa nga sector sang gobyerno ang wala nasakop sang sini nga direktiba.

Para sa dugang nga mga kasayuran, magpakig-angot lamang sa ILECO III pina-agi sa pagtawag sa sini nga mga numero (033) 327-0663/ 325-2606 ukon magpadala sang mensahe sa opisyal nga Facebook Page sang kooperatiba (Iloilo III Electric Cooperative, Inc.)

Madamo gid nga salamat sa inyo padayon nga suporta.

Ang nagapahibalo,

 

CONSORCIA B. PEÑARANDA

General Manager

Ileco III