MATUOD: Ginlikawan ni Presidente Marcos Jr. ang paglawag sang ngalan ni Ninoy Aquino sa iya SONA

Gintawag niya nga Manila Airport ang Ninoy Aquino International Airport.

ANG PASUNI: Ginlikawan ni Presidente Marcosd Jr. ang paglawag sang ngalan ni Ninoy Aquino sa iya SONA.

MATUOD INI.

MGA DETALYE           

Gina-alegar nga gin likawan ni Presidente Marcos Jr. sa iya una nga State of the Nation Adress ukon SONA ang pagmitlang sang Ninoy Aquino International Airport ukon NAIA.

Matuod ini.

Makita sa nasulat nga kopya sang una nga SONA ni Marcos nge gintawag niya ang NAIA bilang Manila Airport.

https://www.rappler.com/nation/full-text-transcript-president-marcos-jr-state-nation-address-2022/?fbclid=IwAR2q9RTRi86YMUVaXKwMrI3Z511QaxqmsS1mxKbBobWxPbMO8TVS4OOEeLY

Indi man amu sina ang tsakto nga ngalan sang hulugpaan sa sadtong termino sang iya amay bilang presidente. Manila International Airport ang daan sin inga ngalan nga gin-islan bilang NAIA, gikan sa pinakadako nga kritiko ni Marcos nga si Sen. Ninoy Aquino.

Nalawagan ni Marcos ang hulugpaan natuhoy sa iya plano nga panamion ang mga hulugpaan kag maghimo sang mas madamo pa agud mahagan-hagan ang kagutok sang NAIA.

May ara 12 ka mga pangkalibutanon nga hulugpaan sa Pilipinas kag wala sa ila ang ginahingalanan nga Manila Airport.

https://web.archive.org/web/20190226234105/http://www.caap.gov.ph/?download=1109

Indi man matumod ang rason ni Marcos sa sini nga bagay apang wala sang hulugpaan sa subong nga may pareho sang iya nasambit nga ngalan.

Mas makaalarma nga nagpalakpak pa ang mga tumalan-aw sang ginsiling niya. Ang mahimo nalang gid sang mga pumuluyo amu ang paghulat sang kung ano man ang sunod nga mga matabo.

Ginlubad ni Marjune Muzones, Daily Guardian intern, gikan sa sinulatan sang Baguio Chronicle: https://www.facebook.com/baguio.chronicle/photos/a.857049371017788/5520499158006096/