KULANG SA KONTEKSTO: Tinutuyo snag plano ni Presidente Marcos Jr. nga ibalik ang mandatory ROTC sa Senior High School nga sanayon ang mga estudyante agud mangin preparado para magdepensa sang pungsod, pati man sa mga kalamidad kag pagdugang sang kapasidad para sa mga sitwasyon nga may mga risgo

ANG PASUNI: Tinutuyo snag plano ni Presidente Marcos Jr. nga ibalik ang mandatory ROTC sa Senior High School nga sanayon ang mga estudyante agud mangin preparado para magdepensa sang pungsod, pati man sa mga kalamidad kag pagdugang sang kapasidad para sa mga sitwasyon nga may mga risgo

KULANG INI SA KONTEKSTO.

MGA DETALYE

Apisar nga gin-abay ni Presidente Marcos Jr. ang pagpanumbalik sang mandatory Reserved Officers Training Corps ukon ROTC sa Senior High School bilang prayoridad nga layi sang iya administrasyon, wala siya nagsiling kung ngaa una bes, indi na mandatory ang military training program.

Ang kamatayon ni Marsk Welson Chua, isa ka estudyante sang University of Santo Tomas sadtong Marso 2001 ang nangin rason sa pagpasar sang National Service Training Program  (NSTP) Act kung sa diin ginhimo lamang nga optional ang partisipasyon sa ROTC. Gina-alegar nga ginpatay sang iya mga ROTC adviser si Chua matapos niya ginbulgar ang mga korapsyon sang ila organisasyon.

Indi nab ago ang plano nga ibalik ang mandatory ROTC sa senior high school ukon sa mga estudyante nga naga edad 16-18 anyos. Ginpakita man ni anay Presidente Rodrigo Duterte ang iya kagustuhan nga mangin prayoridad ang pagpasar sang layi nga magabalik sa ng nasambit nga programa sadtong 2018.

Sang sina nga mga tini-on, ginpahayag sang Child Rights Network (CRN), ang pinakadako nga alyansa snag mga organisasyon kag ahensya nga nagaduso ang mga layi para sa kinamataong sang mga kabataan sa Pilipinas nga possible matalikdan sang Pilipinas ang mga ginpangako sini sa international community tuhoy sa pagprotekta sang mga kabataan batok sa gina-mandato nga pagpasakop sa military.

NGAA IMPORTANTE INI: Sa ginsiling sang CRN, ang pag-implementar sang isa ka kurso nga pang-militar sa senior high school sa mga ti-on nga yara ang mga estudyante sa rurok sang ila adolescent stage amu ang magabutang sa ila sa risgo kag mga sensitibo ukon indi manami nga mga hitabo nga makaapekto sang ila pagpangabuhi.

Ginlubad ni Marjune Muzones, Daily Guardian intern, gikan sa sinulatan sang Baguio Chronicle: https://www.facebook.com/altermidya/photos/a.386709058145228/2339029812913133/