KULANG SA KAUNDAN: Ginsiling ni Presidenta Marcos Jr sa iya labing una nga SONA nga possible palab-ot sang pungsod ang upper-middle income economy sa tuig 2024

ANG PASUNI: Posible malab-ot ang upper-middle income economy sa 2024 base sa ginsiling ni Presidente Marcos Jr. sa iya una nga SONA.

KULANG INI SA KAUNDAN.

NGA-A KINAHANGLAN I-FACT-CHECK: Ang pagbawi sang ekonomiya sang Pilipinas nagadepende sa kung paano atubangon sang administrasyon ang mga problema nga sang pangkalibutan-on nga ekonomiya sa subong nga panahon.

MGA DETALYE:

            Ginlatag ni Presidente Ferdinand Marcos Jr. sa iya una nga State of the Nation Address (SONA) ang mga gusto niya malab-ot para sa ekonomiya sang pungsod sa iya termino. Apang wala ginpahayag ang mga kongkreto nga aksyon nga tuyo pagahimuon para malab-ot ang ini nga kagustuhan.

Lakip sa iya mga plano ang paglab-ot sang upper-middle income status sa tuig 2024. Apisar sa iya positibo nga panan-awan sa pagdako sang ekonomiya, wala niya gindetalye kung paano niya lab-uton ang nasambit nga tinutuyo.

Sa isa ka sugilanon sadtong May 16 sa ABS_CBN News Channel (ANC), ginpahayag ni anay Socioeconomic Planning Secretary Karl Chua nga posible malab-ot sang Pilipinas ang upper-middle income economic status sa 2023. Ginbasehan ni Chua ang 8.3% nga pagdako sang ekonomiya sa una nga apat ka bulan sa tu-ig 2022.

Apang gindugang man ni Chua nga kinahanglan nga makalab-ot sa 6.6% ang growth rate sa mga nabilin nga bulan sang tuig agud matuman ang nasambit nga tinutuyo.

Ginsuportahan man ni Incoming National Economic and Development Authority (NEDA) Secretary Arsenio Balisacan ang nasambit nga pahayag ni Chua sa BusinessWorld roundtable sadtong Hunyo.

“It might take a while for us to reach that point. So, if we grow at 7% next year, maybe by 2024 we would probably be there,” siling ni Balisacan.

Bangud sang wala kasiguraduhan nga sitwasyon sang ekonomiya sa bilog nga kalibutan, magapabilin lamang nga spekulasyon ang tinutuyo nga malab-ot sang pungsod ang upper-middle income economic status sa subong nga panahon.

Ginlubad ni MARJUNE N. MUZONES, Intern sang Daily Guardian, gikan sa sinulatan sang Altermidya: https://www.facebook.com/altermidya/photos/a.386709058145228/2338440659638715/