Komisyon sa Wikang Filipino at BUKLOD-Filipino, nilagdaan ang CNA

Naganap ang paglagda sa Kolektibong Pag-uusap ng KWF at BUKLOD-Filipino (CNA) noóng 16 Nobyembre 2020 matapos pormal na kilalanin at pagtibayin ng Lupong Tagapagpaganap (ExeComm) sa rekomendasyon ng Kalupunan ng Komisyoner ng KWF ang nilalaman nitó noóng 13 Nobyembre 2020.

Sumailalim din itó sa matalisik na pagsusuri at matalinong paggabay ni Atty. Anna Katarina B. Rodriguez (Direktor Heneral ng KWF) na siyang nagharap ng CNA sa Kalupunan ng Komisyoner para sa kaukulang ribyu at pagpapatibay.

Mataós na pasasalamat sa masigasig na pamumuno ni Tagapangulong Casanova ang ipinaaabot ng BUKLOD-Filipino (ang unyon ng mga kawani ng KWF).

Ang huling pinagtibay na CNA sa pagitan ng Pamunuan ng KWF at Buklod-Filipino ay noón pang 2012 sa panahon ng panunungkulan ni dating Tagapangulong Jose Laderas Santos.