Kartero ng PHLPost, pinuri sa kanyang katapatan

Isang wallet na pagmamay-ari ng isang kawani ng pribadong tanggapan na may lamang mahigit P8,000 piso, Driver’s License at ATM Card ang napulot ni Roberto Brondo, isang kartero ng Manila Central Post Office ang naibalik sa may-ari.

Papauwi na si Bert sakay ng kanyang motorsiklo galling Maynila  nang may mapansin siyang wallet sa kalsada,

Nakilala ang may-ari nito na si Edward Alimangohan matapos na ito ay i-report at ibigay ng kartero ang napulot na wallet sa tanggapan ng Human Resource ng PHLPost upang maimbentaryo ang laman nito bilang parte ng documentation process. Agad na nakipag-ugnayan ang mga awtoridad ng PHLPost sa may-ari ng wallet sa pamamagitan ng Facebook.

Ayon sa PHLPost, ang kanilang mga kartero katulad ni G. Brondo ay kilalang matapat at maaasahan sa kanilang sinumpaang serbisyo na maglingkod at maghatid ng sulat umulan man o umaraw.

Naka-assign siya sa area ng  Malacanang upang maghatid ng sulat sa loob at labas nito.  Nagsimulang mamasukan si “Bert” noong 2005 bilang casual employee hanggang sa maging regular at na-appoint bilang Senior Letter Carrier noong February 28, 2017.

Masayang tinanggap ni Mr. Alimangohan kay Gng. Melody Olavidez, Tagapamahala ng HR Department ang kanyang pitaka tulad ng cash na pambayad niya sa mga utilities sa kanilang tahanan.

Ayon sa may-ari ng wallet, naniniwala pa rin siya na ang mga kawani ng pamahalaaan lalo na sa PHLPost ay tapat sa kanilang tungkulin.

Bilang pagsaludo sa katapatan ni G. Brondo sa serbisyo, nagbigay ng Special Stamp Frame ang PHLPost Mega Manila Area na naglalaman ng limited edition ng Frontliners Stamps. Ang selyong ito ay nagbibigay pugay sa kabayanihan ng mga Frontline workers sa panahon ng pandemya.

Ayon pa rin sa PHLPost, ang mga kartero ay frontliners din at araw araw ay exposed sa banta ng virus upang patuloy na tuparin ang kanilang tungkulin sa bayan. Kaya naman ibayong pag-iingat sa kalusugan ang isinasagawa nila sa pamamagitan ng pagpapatupad ng health at safety protocols sa lahat ng post offices nito sa bansa.