Kapag korapsyon, ang bilis; pag hustisya, hospital, baka may kasabwat?
Ni Roger B. Palomaria Jr.
Sa Pilipinas, kung saan nagtitiis ang maraming Pilipino sa Philippine General Hospital (PGH), na siksikan at umaasa sa libreng gamutan, ang kabaligtaran naman para sa mga kurap na politiko ay ang pananatili sa pribadong ospital. Misteryo kung titingnan: matapos magnakaw, pagkalabas ng warrant of arrest, naka-neck brace na o nasa hospital bed na. Sa bawat eksena sa balita, laging tampok ang may sakit na politiko sa mamahaling pribadong ospital gaya ng St. Luke’s.
Nagmimistulang lampa ang magnanakaw kapag pinapaaresto na, para gawing humanitarian grounds ang sakit at subukang takasan ang batas.
Marahil nakapagtataka na ang pag-ospital ay para lamang dapat sa may sakit, pero ang tanong ay: Totoo nga bang may sakit ang politikong biglang sisingilin ng batas? Baka naman taktika lamang para maging “unfit to stand trial” ang akusadong kurap sa bansa. Kailanman ay hindi magiging lunas sa sakit ang wheelchairs at mga neck brace ng mga magnanakaw sa kaban ng bayan.
Naninigurado ba ang Professional Regulation Commission (PRC) at Philippine Medical Association (PMA) na walang sinumang doktor na binabayaran ng mga politiko para ipalabas sa publiko na may sakit sila, kahit sakit-sakitan lamang, dahil sila mismo ay nasisilaw sa limpak-limpak na salapi?
Kung tunay na may sakit ang mandarambong sa pera ng taong-bayan, kaya n’yo bang magpagamot sa PGH at maranasan ang hirap ng mga Pilipino sa pampublikong pagamutan? Nararapat na ikumpara sila sa ordinaryong taong may sakit.
Tandaan, ang tunay na takbo ng hustisya ay nararapat na pantay at patas para sa ordinaryong tao at politiko. Marahil sa huli, kung tayo mismong mga Pilipino ay magpapaloko sa eksena nilang pagtakas sa batas habang ang mahihirap ay diretso sa kulungan, patas na batas ba ito, o panibagong palabas na naman?
Email: rogerpalomaria09@gmail.com
Roger B. Palomaria Jr. is a former campus journalist and opinion writer who focuses on public interest issues, mental health and politics. His writing examines social and political concerns affecting Filipinos, with an emphasis on accountability, public welfare and justice.
Comments (0)
LEAVE A REPLY
No comments yet
Be the first to share your thoughts!
Related Articles
Sixteen votes and the meaning of two-thirds
The constitutional dispute is ultimately about whether a fixed Senate denominator can cause a two-thirds requirement to operate as a substantially higher threshold By Francis Allan L Angelo and Joseph Ledesma Ladrido The impeachment trial of Vice President Sara Duterte has raised a constitutional question that appears to require little more than arithmetic. Article XI,
Of all members of the Senate
Article XI, Section 3(6) is seemingly direct: ‘No person shall be convicted without the concurrence of two-thirds of all the Members of the Senate.’ The constitutional text does not say two-thirds of the senators ‘present’ or ‘participating’, nor does it explicitly reference 24 senators. The Presiding Officer, Senator Chiz Escudero,
The weight of staying relevant in media
There was something about that evening that did not quite sit like a celebration. It was supposed to be one — silver anniversaries of local newspapers usually are. There were familiar faces, polite applause, the kind of warmth that comes from shared history. But when UP Visayas Chancellor Clement Camposano began