INDI MATUOD: Yara makita sa Banaue, Ifugao ang Igorot Stone Kingdom

Ang tourist site amu ang nahamtang sa Baguio City.

ANG PASUNI: Makita ang Igorot Stone Kingdom sa Banaue, Ifugao.

INDI INI MATUOD.

NGA-A KINAHANGLAN I-FACT-CHECK: Nagapamatuod ini nga naga-atubang ang Pilipinas sa isa ka krisis sa edukasyon nga ginabaisan pa bisan ang simple lang nga heograpiya. Dugang pagid ang isa ka komento nga ginpahayag tuhoy sa isa ka bidyo nga nagapakita sang sitwasyon sa Banaue matapos ino ginbayo sang habagat kag nagdulot sang pagbaha kag pagtiphag sang duta sa nasambit nga lugar.

Masami man ginapamangkot sang mga turista ang mga pumuluyo sang Baguio kung pila ka metro ang kalayuon sang Banaue Rice Terraces sa siyudad.

MGA DETALYE:

Suno sa fact-check nga ginbuhat sang Bombo Radyo Baguio, indi makita ang pasyalan nga Igorot Stone Kingdom sa Banaue, Ifugao. Ini nahamtang sa Longlong Road, Baguio City, 22.5 ka kilometro ukon masobra anum ka oras ang kalayuon sa Banaue.

https://www.facebook.com/bomboradyobaguio/posts/pfbid0wYhBnigdMqaR5hHGYde8cu8BsdKuGNYXmqGuen1DBhvhbVPmuE4AGhvTzxv6mJK5l

Makita sa screenshot sang comment section ang komento sang user nga si “Gwyneth” nga nagapasuni nga makita angIgorot Stone Kingdom sa Banaue kag ginaguba sini ang duna nga kanamion sang lugar. Sang gintuyo nga tsaktuhon sang isa pagid ka user ang pasuni sa pagsiling nga sa Baguio ang tourist site, ini gindugangan pagid sang pasuni nga parte sang Banaue ang Baguio bangud parte in isa gihapon sang Benguet.

Indi ini matuod. Parte sang probinsya sang Ifugao ang Banaue kag indi sa Benguet.

Ginlubad ni MARJUNE N. MUZONES, Intern sang Daily Guardian, gikan sa sinulatan Baguio Chronicle: https://www.facebook.com/baguio.chronicle/photos/a.857049371017788/5482935431762469