INDI MATUOD: Wala sang basehan ang US report tuhoy sa kahimtangan sang tawhanon nga kinamatarong sa Pilipinas

Sang Abril 16, nagpaguwa sang pahayag si Acting Spokesperson Martin Andanar nga nagasiling nga ang report sang United States Department of State tuhoy sa estado sang tawhanon nga kinamatarong sa Pilipinas amu “utterly devoid of bases” (wala sang basehan)

Nagasabat si Andanar sa bahin sang “2021 Country Reports on Human Rights Practices” sang US State Department nga may diskusyon sa sitwasyon sa Pilipinas, kung diin ginsambit nga may myembro sang security forces sang gobyerno ng Pilipinas ang may hilabot sa “significant rights abuses (signipikante nga pag-abuso sa karapatang-pantao),” lakip ang pagpatay, pwersahan nga pagbihag, tortyur, kag pag-atake sa kahilwayan sa pagpulong kag pagpahayag.

Ginsiling man ni Andanar nga ang nasulat sa report mga “rehash of old and recycled issues by the perennial detractors of the Duterte administration” (pagsulit sang daan pa nga isyu nga madugay na nga ginahaboy sa administrasyong Duterte).”

Ginasuportahan sang pahayag ni Andanar ang mga nauna nga pag-insister ni Defense Secretary Delfin Lorenzana kag Interior and Local Government Secretary Eduardo Año nga pareho nga ginatawag nga wala basehan ang report gikan sa US Department of State.

ANG SUGID-SUGID:

Wala basehan ang US report tuhoy sa estado sang tawhanon nga kinamatarong sa Pilipinas MARKA:

INDI MATUOD

ANG MATUOD:

May mga bahin ang ginasiling nga report sang State Department nga ginbase sa mga pampubliko nga anunsyo sang Commission on Human Rights (CHR) kag sang Department of Justice (DOJ) sang Pilipinas, nga pareho nga nagakilala sa mga abuso nga naubra sang gobyerno.

Ginrekomenda ni DOJ Secretary Menardo Guevarra ang pagsumbung sang mga kaso batok sa 17 pulis nga naangot sa ginatawag nga “Bloody Sunday,” nga nagresulta sa pagkapatay sang siyam nga aktibista sang Marso 7, 2021 sa Luzon. Ginsaway man sang nagtaliwan nga CHR Chair Jose Luis Martin “Chito” Gascon ang administrasyon Duterte sa mga pagpatay angot ang gyera kontra droga, nga nagalab-ot na sa 27,000 ang nangin biktima sa ulihi nga bahin sang tuig 2018.

Ginsambit man sang US human rights report ang grupo nga ang Karapatan bilang isa ka ginkuhaan sang datos. Ginbalhag sang Karapatan ang kaugalingon sini nga 2021 annual national human rights report.

NGAA KAHINANGLAN MAY PAGPANADLONG:

Suno sa pagtuon nga ginbalhag sang University of California Santa Barbara, nagguwa nga ang mga sala nga impormasyon nga ginpaguwa sang gobyerno nalakip sa pagtinguha sini nga harangan ang kritisismo kag lehitimo nga oposisyon, kag nagadugang ini nga mga aksyon sa paglala sang wala paghustisya. Suno sa Amnesty International, ang paglapnag sang kultura sang wala paghustisya sa pungsod ay nagapalala pagid sa mga pagpatay kag iba pa nga paglabag sa karapatang pantao.

Ang Philippine News Agency, nga ahensya sang balita sang gobyerno, ang nagbalhag sa pahayag ni Andanar kag subong may 1,600 shares na sa Facebook.

(Gin-lubad sang Daily Guardian gikan sa orihinal nga fact check report ni Vivian Vera sang Altermdiya)

Daily Guardian is part of #FactsFirstPH, which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email editorial@dailyguardian.com.ph and info@factsfirst.ph, or send a message to facebook.com/DailyGuardianPH.