INDI MATUOD: Video nga nagapahayag sang suporta si Duterte kay Robredo

Ang lalaki nga naga hambal amu si Jun ‘Zagitsit’ Alegre, nga nagapadalagan bilang isa ka provincial board member sang ikaduwa nga distrito sang Albay.

          ANG PASUNI: ginapakita sa isa ka video nga ginhambal ni Pangulong Rodrigo Duterte sa isa ka rally nga si Bise Presidente Leni Robredo ang iya nga suportahan sa pagpadalagan sa pagkapresidente.

          INDI INI MATUOD

          ANG KAMATUORAN: Indi si Presidente Duterte ang ara sa video. Ang video clip bahin sang mensahe ni Jun “Zagitsit” Alegre, nga nagpadalagan bilang isa ka provincial board member sang ikaduwa nga distrito sang Albay sa grand rally sang partido nga Ang Probinsyano. Ginsunod ni Alegre ang estilo sang paghambal ni Duterte sa iya mensahe sa nasambit nga rally.

          NGAA KINAHANGLAN I-FACT-CHECK: Sang ginsulat ang fact check na ini, may yara na nga lapaw 29,000 reaksiyon, 1,200 komento, kag 616,000 views ang post sa TikTok.

          MGA DETALYE:

Isa ka video sadtong Mayo 7 nga iya sang TikTok user nga si “@_cravingfortakoyaki” ang nagpakita sang pahayag kuno ni Presidente Rodrigo Duterte sa pagsuporta sa pagpadalagan ni Bise Presidente Leni Robredo sa pagka presidente.

Mabatian sa video nga ginahambal sang lalaki nga kuno si Duterte: “This may be my first time that I’m gonna make public my choice for president. Leni ako.”

(ini ang una nga kahigayunan nga hambalon ko sa publiko ang akon ginpinili sa pagkapresidente. Leni ako.)

Ang laki sa video amu ang politiko nga si Jun “Zagitsit” Alegre, nga nagapadalagan bilang provincial board member sang ikalawang distrito sang Albay.

Makit-an sa isa ka video sang Facebook user nga si Vanessa Alcantara ang mas malapit kag mas matin-naw nga kuha sang ginhambal ni Alegre. Sa una nga bahini sanng iya pahayag, palango nga ginsunod ni Alegre si Duterte, bag-o niya ginhambal ang iya pormal nga mensahe tuhoy sa rally.

Makit-an man sa video ni Alcantara ang kabilugan nga mensahe ni Alegre nga nagdugay sang lima ka minuto kompara sa TikTok video nga sugid-sugid nga isa ka minuto lang ang kalaba.

Apang isa ka independent candidate, nagkadto si Alegre sa grand rally sang partido nga Ang Probinsyano kag Team Rosal-Cristobal sang kandidato sa pagka-alkalde nga si Geraldine Rosal kag ang iya running mate nga si Bobby Cristobal sa Sawangan Park, Legazpi City, sadtong Mayo 7.

(Gin-lubad sang Daily Guardian gikan sa orihinal nga fact check report sang Rappler)

Daily Guardian is part of #FactsFirstPH, which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email editorial@dailyguardian.com.ph and info@factsfirst.ph, or send a message to facebook.com/DailyGuardianPH.