INDI MATUOD: Si Marcos Jr. amo ang kampyon sa 2001 Milo Little Olympics taekwondo

Ang anak sang anay diktador nga si Ferdinand Marcos Sr. 44 anyos na sang tuig 2001.

Ang Milo Little Olympics grade school division para sa student-athletes nga naga-edad 7 asta 12 ka tuig lang.

ANG PASUNI:

Si Ferdinand “Bongbong” Marcos Jr, kandidato sa pagka-presidente, nag-daog sa taekwondo championship sang Milo Little Olympics grade school division sa Lingayen, Pangasinan sang 2001.

INI INDI MATUOD.

Ang kamatuoran:

Gin-tawo sang Setyembre 13, 1957 si Marcos Jr., rason kung nga 44 tuig na ang iya edad sang tuig 2001. Suno sa Milo Little Olympics nga website, ang pwede nga edad sang elementary athlete amo halin 7 asta 12 ka tuig lang.

NGAA GINA-FACT CHECK:

Wala ganubo sa anom ka pages kag taga-usar sang Facebook ang nag-ambit sang amo sini nga pahayag.

Kumpleto nga detalye:

Sa isa ka laragway nga gin-upload sang wala ganubo anom ka pages kag taga-usar sang Facebook ang naga-angkon nga si Ferdinand “Bongbong” Marcos Jr. amo nagdaog sa taekwondo championship sang Milo Little Olympics grade school division sa Lingayen, Pangasinan sang tuig 2001.

Suno sa website sang Milo, “The Milo Little Olympics is a grand national tournament open for all students in the Elementary and Secondary Division of public and private schools in the Philippines.” [Ang Milo Little Olympics isa ka nasyonal nga paindis-indis nga bukas para sa tanan nga bumulutho sa elementarya kag sekondarya nga dibisyon sang pampubliko kag pribado nga mga buluthuan sa Pilipinas.]

Ang laragway nagapakita sang listahan sang hinimuan ni Marcos Jr. nga nagatuhoy sa peace and order, edukasyon, environment, arts and culture, sports, turismo, kag imprastraktura.

Indi matuod ang pagpangapin nga ini.

Si Marcos Jr. 44 ka tuig na ang edad sang tuig 2001. Suno sa iya opisyal nga website, si Marcos Jr. natawo sang Setyembre 13, 1957.

Suno man sa kasuguan nga nakapaskil sa website sang Milo Little Olympics, “Elementary students must compete in the Elementary Division only. The age limit for Elementary athletes is from 7 to 12 years old. The cut-off year of which is the year 2006.” [Ang mga bumulutho sang elementarya magapaindis-indis lang sa kategorya sang Elementary Division. Ang edad sang atleta dapat halin 7 asta 12 ka tuig lang. Ang cut-off nga tuig sang pagtawo indi maglapaw 2006.].

Sa pang-secondarya nga dibisyon naman, ang mga atleta nga gapa-indis-indis wala naglapaw 16 ka tuig. Indi pwede ka-intra si Marcos Jr. sa pareho nga dibisyon.

(Gin-lubad ni Iris Mabatid sang West Visayas State University-College of Communications para sa Daily Guardian)

Original Source: https://www.rappler.com/newsbreak/fact-check/ferdinand-bongbong-marcos-jr-2001-milo-little-olympics-taekwondo-champion?fbclid=IwAR0Tuu8iaZk41TrnsWgyuFd5jmR1RsNjCOA41N77_ZvieHGLX-54fJtMI2k

Daily Guardian is part of #FactsFirstPH, which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email editorial@dailyguardian.com.ph and info@factsfirst.ph, or send a message to facebook.com/DailyGuardianPH.