INDI MATUOD: Si Ferdinand Marcos Sr. ang nagpaubra sang mga circumferential nga dalan

Suno sa Japan International Cooperation Agency, Gin-umpisahan ang pag ubra sang circumferencial nga mga dalan pamaagi sa Metropolitan Throughfare Plan sang tuig 1945.

ANG PASUNI: Si Ferdinand Marcos ang nagpaubra sang mga circumferential nga dalan

          INDI INI MATUOD

ANG KAMATUORAN: Suno sa Japan International Cooperation Agency, Ginumpisahan ang pag ubra sang circumferencial nga mga dalan pamaagi sa Metropolitan Throughfare Plan sang tuig 1945.

NGAA KINAHANGLAN I-FACT-CHECK: Ginpadala sa Rappler sa ila email ang sugid-sugid para ma-fact-check. Sang ginsulat ang fach check nga ini may ara sang labaw pa sa 110,000 nga reaksyon, 5,500 nga komento, kag 1,600,000 ang nagtan-aw sa post sa Facebook.

MGA DETALYE:

Isa ka video sang Setyembre tuig 2021 sa Facebook page “’Bongbong Marcos for President 2022” ang naghambal nga ang anay Presidente nga si Ferdinand Marcos ang nagpahimu sang circumferencial nga mga dalan.

Nabutang sa caption sang post, “Build, build, build sang anay president Marcos.”

Suno sa video nga ang mga imprastraktura nga ginpaubra kuno ni Marcos sadtong president pa siya sang pungsod.

Sa 2:18 nga kalawidon sang video, ginhambal ang linya nga, “Idagdag pa dito ang circumferential roads C-1 to C-10, pinakilala nga natin na isa sa mga ito ang C5.”

Ginpadala sa Rappler sa ila email ang sugid-sugid para ma-fact-check. Sang ginsulat ang fach check nga ini may ara sang labaw pa sa 110,000 nga reaksyon, 5,500 nga komento, kag 1,600,000 ang nagtan-aw sa post sa Facebook.

Hindi ini matuod.

Suno sa Japan International Cooperation Agency (JICA), ang circumferencial nga mga dalan amu ang orihinal nga kaupod sang Metropolitan Throughfare Plan nga ginpangunahan sang Estados Unidos sadtong tuig 1945. Ginhimu ini sang city planners nga sina Louis Croft kag Antonio Kayanan ang plano nga ini subong sang paghanda sa pagpalapad sang kasangkarang Maynila. 20 ka tuig antis mangin president si Ferdinand Marcos sang tuig 1965.

Nakabutang sa isa ka report nga parte sang plano ang paghuman sa anom ka circumferencial nga alagyan, apang sang ginhimu sang JICA ang pag-tuon diri sang tuig 2013, apat pa lang ang nahuman sa mga diri.

Ang C-1 kag C-2 ay ginhimu paagi sa mga daan nga dalanon sa syudad sang Maynila nga dayon man nga nahuman sang gin-umpisahan ang plano sang 1945. Sa pihak nga bahin, ang C-3 ay wala matapos bangud sa Skyway Stage 3 nga naga agi sa pila ka bahin sang orihinal nga plano para sa C-3, kag kaupod man diri ang mga dalan ng aini sa mas dako nga NLEX-SLEX connector road project sang Department of public Works and Highways. Samtang ang bug-os nga EDSA ay nahuman sadtong tuig 1940 nga nagahuman sang madako nga bahin sang C-4.

Ang nauna nga bahin sang C-5 ginsugdan sadtong 1994 sa idalom sang administrasyon ni anay Presidente Fidel Ramos, samtang nahuman ang pinakabag-o nga sugpon sini sang 2019. Sa pihak nga bahin, ang C-6 ay ginsugudan sang tuig 2018 kag padayon pa in inga ginatapos. (Gikan sa sinulatan ni Lorenz Pasion/Rappler.com

(Gin-lubad sang Daily Guardian gikan sa orihinal nga fact check report sang Rappler)

Daily Guardian is part of #FactsFirstPH, which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email editorial@dailyguardian.com.ph and info@factsfirst.ph, or send a message to facebook.com/DailyGuardianPH.