INDI MATUOD: Senador Leila de Lima napatay na

Buhi pa kag padayon nga nagapangampanya halin sa  Camp Crame Custodial Center si De Lima. Sining Marso 18 sang hapon, ginpaningwala ni De Lima ang fake news nga sia namatay na. Sa amo man nga hapon, gin interbyu pa sia sang Rappler.

ANG PASUNI: Napatay na ang reelectionist senador nga si Leila de Lima.

INI INDI MATUOD

ANG KAMATUORAN: Buhi pa kag padayon nga nagapangampanya halin sa  Camp Crame Custodial Center si De Lima. Sining Marso 18 sang hapon, ginpaningwala ni De Lima ang fake news nga sia namatay na. Sa amo man nga hapon, gin interbyu pa sia sang Rappler tuhoy sa iya kampanya.

• Wala ebidensya nga si Leila De Lima napatay na.
• Ngaa kahinanglan i-fact-check: Sang ginsulat ang fact–check nga ini, may ara na 250,000 views, nagasobra sa 1,300 shares, kag 4,000 kumento ang post sa Facebook.

MGA KAUNDAN

May Facebook page nga may pangalan “Pilippines Presidente 2022” nga may profile picture ni Ferdinand “Bongbong” Marcos Jr. ang nagakalat sang sugid-sugid nga si Senador Leila de Lima amo napatay na.

Ang sugid-sugid sa bidyo, nagakalat na kuno sa social media ang balita nga napatay na si Senator De Lima. May caption ini nga “BREAKING NEWS : SAWAKAS

PDUTERTE SEN.DELIMA . PUMAN4W NA.”

 

Indi matuod ang sugid-sugid nga ini.

Buhi pa kag padayon nga nagapangampanya halin sa  Camp Crame Custodial Center si De Lima. Sining Marso 18 sang hapon, ginpaningwala ni De Lima ang fake news nga sia namatay na. Sa amo man nga hapon, gin interbyu pa sia sang Rappler tuhoy sa iya kampanya.

Sang Marso 16, ginsugid sang campaing manager ni De Lima sa Philstar: ““The senator is alive and well. In fact, she was just interviewed by three media outlets yesterday (Tuesday) at the PNP Custodial Center, Camp Crame.” (Buhi kag maayo ang pamatyag sang Senadora. In fact, kahapon(Martes) lang sia gin-interbyu sang tatlo ka mga media outlet sa PNP Custodial Center, Camp Crame.)

Sa pahayag sini sang Biyernes, Marso 18, ginhambal ni De Lima sa Ingles nga ““higit pa sa pagkondena” (Sobra pa sa pagsilut) ang dapat ubrahun sa mga tawo nga “nagpapakalat ng mga kasinungalingan para idiskaril ang aking kampanya.”

(nagapalapta sang mga kabutigan para idiskaril ang akun kampanya.) Siling pa sini, “hindi pa sapat” (indi pa tuman) para sa mga ini nga sia ginpapriso kag ginpabawalan nga maggwa para mangampanya kag mag-intra sa mga debate halin sa iya bilanggoan.

Suno kay De Lima, determinado sia nga dal-on sa korte ang isyu nga ini sa tama nga ti-on. “Hindi dapat payagang magpatuloy ang ganito. Sinabihan ko ang aking legal team na magsampa ng kaso laban sa nagpapakalat ng pekeng balita na ito.” (Indi dapat patnugutan nga magpadayon ang mga ini. Ginhambalan ko ang akun legal team nga magpasaka sang kaso kontra ang nagapalapta sang mga peke nga balita nga ini.)

Si Senador De Lima amu ginpapreso sang administrasyon Duterte patungod sa alegasyon nga nakipag-angut ini sa mga drug lord nga binilanggo sa Bilibid alegasyon nga, siling ni De Lima, imbento sang pangulo. Matandaan nga sang chairperson sang Commission on Human Rights si De Lima gin-imbestigahan niya ang mga pagpatay nga ginsugo kuno ni Mayor Rodrigo Duterte sa iya Davao Death

Squad. (BASAHUN: ANG LASCAÑAS AFFIDAVIT | ‘I killed for Duterte’)

Sang mangin senador, si De Lima man ang nagsulong sang imbestigasyon sa mga pagpatay nga may hilabot sa drug war ni Pangulo Duterte.

Nagapadalagan liwat sa pagkasenador si De Lima subong nga 2022. Kaupod sia sa slate sang Robredo-Pangilinan tandem.

Sinulatan ni Renzo Arceta/Rappler.com; Gin-lubad ni Ryce Erica Lacbanes sang West Visayas State University-College of Communications para sa Daily Guardian)

Original Link:

https://www.rappler.com/newsbreak/fact-check/leila-de-lima-died-march-16-20 22/?utm_medium=Social&utm_campaign=Echobox&utm_source=Facebook&fbcli d=IwAR3o8TYz1Q_08EYrl1kRQXrDxVgzM144psydCNCOLt8TGuA3n58CbVKhsxo#Ec hobox=1647655641

Daily Guardian is part of #FactsFirstPH, which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email editorial@dailyguardian.com.ph and info@factsfirst.ph, or send a message to facebook.com/DailyGuardianPH.