INDI MATUOD: Nagbilib ang mga lideres sa UN kay Presidente Bongbong Marcos Jr. kag gindayaw man nila ang iya kalam kag talent

Ang mga ginpakita amu ang mga parte sang bidyo ni Climate Change Commissioner Albert del Rosario sa paglunsar sang iya libro kag iba pa nga mga bidyo ni Marcos samtang nagatalumpati.

ANG PASUNI: Nagbilib ang mga lideres sa UN kay Presidente Bongbong Marcos Jr. kag gindayaw man nila ang iya kalam kag talent.

INDI INI MATUOD.

NGA-A KINAHANGLAN I-FACT-CHECK: Isa ka clickbate kag patalang ang titulo sang bidyo.

Ang clickbate amu ang isa ka titulo ukon ulo sang balita nga nagapangita sang dako nga atensyon kag nagaganyat sa isa ka tawo nga pinduton ang link pakadto sa isa ka artikulo, imahe ukon bidyo. Imbes nga mag presentar sang kamatuoran, ang mga titulo nga clickbate amu ang nagaganyat sa emosyon kag kuryosidad sang tawo.

https://edu.gcfglobal.org/en/thenow/what-is-clickbait/1/?fbclid=IwAR3lNaeoo0EavIHfBO86nB4uQ6HN553xbCNFiRqGi7bkz5YU1I-f2VZR2lM

Tungod sa clickbate sang mga Youtube channel, mas madamo nga tawo ang makataan-aw sang mga bidyo kag mas mapasangkad pagid ang pagkilala kag kita gikan sa mga patalastas bisan pa kwestyunable ang kalidad kag kamatuoran sa bidyo.

MGA DETALYE:

Isa ka bidyo sa YouTube nga may titulo nga “PBBM, PINAHANGA ang UNITED NATIONS | Pinuri ang talino ng ating PRESIDENTE” ang ginpaskil sang user nga PIlipinas Malakas sadtong July 12, 2022. Ginpakita man sa ila Facebook page ang nasambit nga bidyo.
https://www.youtube.com/watch?v=Iw9G-0Zbn7c
https://www.facebook.com/PilipinasMalakasTV/?ref=page_internal

Wala ginapakita sa bidyo ang United Nations ukon sino nga representante sang UN nga ginadayaw si ang kalam ni Bongbong Marcos. Ang ginapakita sa bidyo amu ang paglunsar sang libro ni Climate Change Commissionaer Albert del Rosario kag ginsamu-an man sang iba pa nga mga bidyo ni Marcos samtang nagatalumpati.

Ang Presidente lakip pa ang iban nga parte sang Pamilya Marcos amu ang naga-atubang sang mga arrest warrant gikan sa isa ka korte sa United States. Ini bangud napaslaw sila sa pagbayad sang

$2 Billion settlement nga ila utang sa mga biktima sang Martial Law.

Kung sayuron, indi sila makadali-dali kadto sa headquarters sang United Nations sa New York agud magpahayag sang iya mensahe kag makabaton sang pagdayaw gikan sa mga lideres sang UN.

Ginlubad ni Marjune Muzones, Daily Guardian intern, gikan sa sinulatan sang Baguio Chronicle: https://www.facebook.com/baguio.chronicle/photos/a.857049371017788/5519879128068099