INDI MATUOD: Mga “DILAWAN” ang masami naga palapnag sang Fake News

Wala sang mapag-un nga pamatuod ang artikulo  gikan sa Pinoy Trending News natuhoy sa debate kung sino ang matuod nga nagapalapta sang fake news.

ANG PASUNI: Mga “DILAWAN” ang masami naga palapnag sang fake news.

INDI INI MATUOD.

ANG KAMATUORAN: Wala basehan ang artikulo sa Pinoy Trending News sa debate kung sino gid man ang matuod nga nagapalapta sang fake news. Nag gamit lamang ini sang mga komento sa pamangkot ni Castañeda. Tanan nga mga komento ang nagabasol sa mga Dilawan/Pinklawan nga amu ang nagapalapta sang fake news.

NGA-A KINAHANGLAN I-FACT-CHECK: Sa sini nga mga tini-on kung sa diin malapnag ang disinformation sa Pilipinas, kinahanglan mangin maalam ang mga tawo sa pagtan-aw kung ano ang matuod kumpara sa mga opinyon. Suportado sang ebidensya ang kamatuoran kag magapabilin ina bisan pa nga indi suportado sang kadam-an. Ang isa ka opinyon nga ginkasugtan sang mga tawo kay indi gihapon makonsiderar nga kamatuoran kapin pa kung wala basehan.

MGA DETALYE

Siling sa artikulo gikan sa Pinoy Trending News nga gin sulat sang isa ka anonymous writer nga ginahingalanan PTN, masami nga gina akusaran sang mainstream media ang mga pro-BBM kag pro-Duterte supporters nga nagapalapta sang fake news. Gin pakita man didto ang sugilanon sang actor kag director nga si Manny Castañeda. Nag pamangkot siya kung sin-o Gidman bala ang nagapalapnag sang fake news kung sa diin ginaduso ang pihak nga kampo.

(https://pinoytrendingnews.net/veteran-movie-director-put-an-end-to-debate-who-really-are-spreader-of-fake-news-based-on-who-are-at-receiving-end-of-libel-charges/?fbclid=IwAR3YBd3AUZnUXmx49BXac8l6VgGtsz4lz-_1zg0AvgZjTXtcsRsJaECjfvg)

“Dilawan” ang terminolohiya nga ginagamit bilang pag tawag sa mga taga suporta sang Liberal Party nga kilala nga gagamit sang du-ag nga dalag ukon yellow bilang ila simbolo. Sa subong, ginagamit sang administrasyon ni Presidente Rodrigo Duterte kag iya mga kaalyado ang terminolohiya sa ila mga kritiko.

(https://www.tagalog.com/words/dilawan)

Bag-o man nga tinaga ang “Pinklawan” kung sa diin ginagamit ini bilang pang-insulto sang mga kalabanan Bongbong Marcos Supporters sa mga taga suporta ni anay Vice President Leni Robredo. Gin gamit niya ang du-ag nga rosas ukon pink sa iya kampanya sadtong eleksion sang Mayo 9, 2022 kag siya isa man ka kaalyado sang Liberal Party.

(https://www.archipelagofiles.com/2021/10/pinklawan-meaning.html?fbclid=IwAR3NsYlKCTcpM_xWj-yDweVyuxi2RuqABigCksio-TAdmGonxBGtAA1wfrk)

Kontra sa mga komento sa artikulo, ginapakita sang survey sang Vera Files nga 94% sang disinformation sadtong May 2022 elections ang nagpakamala-ot kay Robredo samtang 90% naman sini ang nangin positibo kay Marcos.

(https://verafiles.org/articles/disinformation-attempts-rehabilitate-marcoses-disparage-edsa?fbclid=IwAR2dAAlLHJZmzumdB1hkbywAGoiVIPdfz-PsVwMdbOPPfyBoCvOsRvAs4-k)

Isa pa gid ka survey sang Tsek.ph ang nagapakita sang kapareho nga resulta. Si Robredo ang target sang 297 ka mga fact-check na angot sa disinformation base sa gin buhat nga survey sang kompanya kag 191 diri amu ang nangin positibo para kay Marcos.

(https://www.tsek.ph/firehose-of-disinformation-floods-run-up-to-election/?fbclid=IwAR3tpDFnljjyDMZOKbWAKH90PwOmI4H2MU41KTIBGXGXbMv_j4MD5SGe2bg)

Nahibalu-an man nga si Castañeda isa ka dako nga taga suporta ni Duterte kag nangin tagpangapin man sang kampo ni BBM.

Ginlubad ni Marjune N. Muzones, Intern, Daily Guardian gikan sa sinulatan sang Baguio Chronicle: https://www.facebook.com/baguio.chronicle/photos/a.857049371017788/5405862609469752/