INDI MATUOD: Magapasar sang layi si Ilocos Norte 1st District Rep. Sandro Marcos nga tuyo palawigon ang termino sang president kag bise presidente

ANG PASUNI: Magapasar sang layi si Ilocos Norte 1^st District Rep. Sandro Marcos nga tuyo palawigon ang termino sang presidente kag bise presidente

INDI INI MATUOD.

NGA-A KINAHANGLAN I-FACT-CHECK: Nakaagom na sang masobra 13,000 ka mga views ang video sa YouTube. Nag-viral naman ang thumbnail kag titulo sang video sa nagkalain-lain nga social media platforms. Nagapatalang ang titulo sang video kag indi nagapabudlay sang pagpaminsar sang mga tawo kung ano ang kamatuoran.

MGA DETALYE       

Nagpaskil sang bidyo ang YouTube channel nga “Showbiz Fanaticz” sadtong Hulyo 4, 2022 nga may titulo “NOW NA! SANDRO MARCOS, BINARA AGAD ang DILAWAN| TERMINO ni PBBM at VP SARA IPAPA-EXTEND AGAD!”.

https://www.youtube.com/watch?v=Abo_9Yii0UE

Nagalapta na man ang mga screenshot sang bidyo nga may mga pasuni ni Sandro Marcos sa internet.

Kung tan-awon ang nasambit nga bidyo, makumpermar nga wala sang may ginpasuni si Sandro Marcos tuhoy sa iya tinutuyo nga magpasar sang lay inga magapalawig sang termino sang president kag bise presidente.

Makita sa bidyo sa YouTube ang duha ka ginpagtagpi nga mga bidyo gikan sa ambush interview kay Sandro Marcos sa House of Representatives. Nagikan ang orihinal nga bidyo sa Facebook page sang People’s Television Network nga ginpaguwa sa kapareho man nga adlaw sang iya sang Showbiz Fanaticz.

Sa pagkamatuod, makita sa orihinal nga bidyo nga ginpamangkot si Sandro Marcos tuhoy sa charter change kag nagsabat siya nga wala pa siya sang madamo nga impormasyon sa nasambit nga topiko.

https://www.facebook.com/PTVph/videos/458107209649585/?__cft__[0]=AZUmub69uhfLw5dHBLyU8JZ4J7NXBBg1ktZABGruTVO0nLC3gOk76H5P5qPFdifoJSHHINaPSdfTo8Y5SygBrGZvjbTA5J__Y-1-Diw91jEoeOOdvgZVaqcBrpYMisZmC7QALoeH3WiDJr87RxAUQqsJswyp_hXqFuywAigCrncSThSmlxDisTPn-9zD-CcWm5ZliwkMU9h089aOIWXEXU7K&__tn__=-UK*F

Ginlubad ni MARJUNE N. MUZONES, Intern sang Daily Guardian, gikan sa sinulatan sang Baguio Chronicle: https://www.facebook.com/baguio.chronicle/photos/a.857049371017788/5460309734025039/