INDI MATUOD: Ginsakdag sang isa ka madre si Marcos Jr. bilang pangulo sa May 2022 election

Hambal ni Sister Consolata Manding nga gingamit kag gin-utod nga wala sang pahanugot ang orihinal niya nga pahayag para sa tanan nga kandidato sang 2016 para magwa nga gina-endorso niya si Ferdinand Marcos Jr.

ANG PASUNI

Hambal ni Sister Consolata Manding nga gina endorso niya si Ferdinand “Bongbong” Marcos Jr. sa pagkapangulo.

INI INDI MATUOD

Ang kamatuoran: Hambal ni Manding nga ginamit nga wala lisensya ang pahayag nga ginhatag niya sang 2016 pa. Ginklaro niya nga indi si Marcos iya ginatukoy okun sino man nga kandidato sa iya pahayag.

NGAA KINANGLAN I-FACT-CHECK: Ginpadala sa Rappler sa isa ka email ang fga lapta nga ini para ma-fact-check. Sang ginsulat ang fact check nga ito, may 16,500 ka reaksiyon, 712 ka komento, kag 214,200 views ang bidyo sa TikTok.

ANG KAUNDAN

Nag-post sang Marso 5 ang TikTok user nga si “@atbp4” sang video clip ni Sister Consolata Manding nga naga-endorso kuno kay presidential candidate Ferdinand “Bongbong” Marcos Jr.

Ang caption sang bidyo naga-alegar: “Naging iba rin ang tingin ng dalawang madre sa mga bumabatikos noon kay Bongbong Marcos.”

Kasunod sini ang isa ka video clip ni Manding nga gahambal sang: “Let people decide, do not destroy the person. There is no respect when you destroy the personality of somebody’s image. And I wish we have to learn not to, and instead tell people things can be done or they did something wrong that is re-proven and say it but always with respect. Who is perfect among us? Wala naman eh.”

(Pabay-an naton ang tao magpili, ‘indi sila pag gub-a. Wala respeto kung ginaguba mo ang imahen sang iba. Kag ginapangabay ko nga ma tun-an naton ‘nga indi ini paghimuion, kag tudluan kag insaktuhon na lang kung may nahimo sila nga sala, dapat ihambal ini nga may respeto. Sin o bala  ang perpekto sa aton? Wala man.)

Nakasampaw sa clip ni Manding ang mga linya nga, “It’s good that these nuns have good sayings unlike other disciples of God” (Mabuti na ang mga madreng ito ay may sinasabing magaganda, hindi tulad ng ibang disipulo ng Diyos) at “Nuns of EDSA 1” (Mga madre ng EDSA 1).

Ginpadala sa Rappler sa isa ka email ang ini  para ma-fact-check. Sang ginisulat ang fact-check nga ni, may 16,500 reaksiyon, 712 komento, kag 214,200 views ang bidyo sa TikTok.

Wala kamatuoran ang hambal hambal.

Ginhambal ni Manding sa isa ka bidyo sa YouTube ga ang clip nakuha nga wala lisensya halin sa sa isa niya ka pahayag sang 2016 interview.

“This is an unfair use of the material without permission…. What happens is they take a slice of that interview and put it beside a picture of BBM and put it on TikTok,” suno kay Manding.

(Sala nga paggamit ini sang materyal nga wala lisensya…. Ang natabo, nagkuha sila ng porsyon lang sang pahayag,kag gin tupad ini sa litrato ni BBM kag ginpost sa TikTok.)

Hambal ni Manding sa bidyo nga ang clip kuno ginkuha halin sa isa ka pahayag niya sang anibersaryo sang EDSA Revolution sang 2016. Ginklaro niya nga wala niya ginatukoy si Marcos okun  sin-o man nga kandidato sa iya pahayag.

“It’s just a general principle that when you decide to elect in an election, first of all, is do not judge people, especially in the negative aspect, and do not spread all those negative things. I was telling them in the interview that it’s better to tell them the good things they have done rather than the bad,” hambal sang madre.

(Isa ka general nga prinsipyo nga kung magpili ka sang kandidato sa eleksiyon, una, indi mo dapat husgahan ang tao, kapin na sa negatibo nga aspekto, kag indi magipakalat sang mga negatibo nga bagay. Ginhambali ko lang sa pahayag nga mas manami kung ang ginahambal naton ang mga manami nga bagay nga ila ginahimo kaysa sa  malain.)

Suno kay Manding, madamo ang nagbatikos sa iya sang nalantaw nila ang TikTok video. Ginklaro niya nga wala niya ginasuportahan ang bata sang diktador nga si Marcos, kag gapanawagan siya nga untaton na ang paghimo sang mga peke nga bidyo.

Si Marcos Jr. subong gapadalagan sa pagkapresidente sa eleksiyon sini nga Mayo 2022. Halin sa isa ka study sang Tsek.ph, si Marcos ang nagabenepisyo sa ga kalat ng mga makarilibog ulo nga mensahe sa social media.

(Sinulatan ni Lorenz Pasion/Rappler.com; Gin-lubad ni Ma. Trina Belmote sang West Visayas State University-College of Communications para sa Daily Guardian)

Original Source: https://www.rappler.com/newsbreak/fact-check/endorsement-statement-nun-for-ferdinand-bongbong-marcos-jr/?utm_medium=Social&utm_campaign=Echobox&utm_source=Facebook&fbclid=IwAR07bE5uWP10INeLbWh4bZdKKJoJORB3g9OGisez9dT732un_KeR6Zz6LfM#Echobox=1647947597

Daily Guardian is part of #FactsFirstPH, which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email editorial@dailyguardian.com.ph and info@factsfirst.ph, or send a message to facebook.com/DailyGuardianPH.