INDI MATUOD: Gin-anunsyo na ni Pope Francis ang iya pagretiro

Ang pamuluong-pulong amu ang isa ka homiliya nga ginhatag ni Pope Francis sadtong 2015 nga ginsalin sa Ingles tuhoy sa importansya sang pagpatawad sa isa ka pag-asawahay. Wala sang gin-anunsyo ang Santo Papa tuhoy sa iya pagretiro sa nasambit nga homiliya.

ANG PASUNI: Gin-anunsyo na ni Pope Francis ang iya pagretiro.

INDI INI MATUOD.

ANG KAMATUORAN: Ang talumpati amu ang isa ka homiliya nga ginhatag ni Pope Francis sadtong 2015 nga ginsalin sa Ingles tuhoy sa importansya sang pagpatawad sa isa ka pag-asawahay. Wala sang gin-anunsyo ang Santo Papa tuhoy sa iya pagretiro sa nasambit nga homiliya.

NGA-A KINAHANGLAN I-FACT-CHECK: Nakaagom na sang masobra 3,300 ka mga reaksyon, 1,300 ka mga komento, kag 2,900 ka mga sraes sa Facebook ang paskil sang ginsulat ang fact-check nga ini.

MGA DETALYE

Nagpaskil sadtong Hunyo 7 ang Facebook page nga “Ang Realidad” kag ginapakita ang talumpati ni Pope Francis nga may titulo nga “Family, Place of Forgiveness,” kung sa diin ginapasuni nga ginpahayag sang Santo Papa ang iya pagretiro. Indi ini matuod.

Makita sa “advanced search” sang Google nga ang news website nga Monitor sa Uganda ang una nga nagpaskil sang talumpati sadtong Nobyembre 2015 sa ila artikulo nga  “Pope’s homily on families.” Siling sang Monitor, ang talumpati amo ang isa ka homiliya nga ginsalin sa Ingles kag ginhatag ini ni Pope Francis sa Cuba, Dungan sa selebrasyon sang World Communications Day sang Setyembre 2015.

Sa opisyal nga kopya sang Vatican, wala sang nasambit ang Santo Papa sa homiliya tuhoy sa iya pagretiro.

Ginpakita man sa “advanced search entry” sang Google nga naghimo man sang kapareho nga pasuni sadtong 2019 ang website nga “The Paradise” nga nagasiling nga maretiro na si Pope Francis sa Disyembre 2020 kag naghatag siya sang talumpati nga ginatitulohan man nga “Family, Place of Forgiveness” bilang iya retirement speech.

Ginlubad ni MARJUNE N. MUZONES, Intern sang Daily Guardian, gikan sa sinulatan ni Lorenz Pasion sang Rappler: https://www.rappler.com/newsbreak/fact-check/pope-francis-speech-announced-retirement-june-7-2022/?utm_medium=Social&utm_campaign=Echobox&utm_source=Facebook&fbclid=IwAR07TO5wf91g3u6FLTd8AQb6NYrxPbCwrW44pUw5Zq7zlg9NJEkEMm1JSXE#Echobox=1656504403