FACT CHECK: Sala ang pasuni ni Lacson nga ang Anti-Terrorism Act lang ang may mga probisyon agud mapangapinan ang tawhanon nga kinamatarong ukon Human Rights

Isa ka senador kag kandidato sa pagka presidente naghambal nga ang Anti-Terrorism Law, nga ginpasar sa kasagsagan sang pandemya, ang may mga probisyon nga ginapangapinan ang kinamatarong ukon Human Rights sang mga persona nga ginasuspetsahan nga naglapas sa amo nga laye.

Apang ang pagpasar sang ini nga laye ginkontra sang hutsadoman rights groups bangud kay ginkakas sini ang mga probisyon nga naga-pangapin sa kinamatarong sang mga na-preso nga mga suspetsado. Nakit-an man nila nga ang mga probisyon sang laye nga nagalapas mga kinamatarong sang hilway nga paghambal kad due process sa idalom sang 1986 Constitution.

SALA ANG PAGPATI IN LACSON.

ANG PASUNI

Sa ika-duha nga PiliPinas Debates 2022 nga gin-organisa sang Commission on Elections (Comelec), ginhambal ni Senator Panfilo Lacson nga ang Anti-Terrorism Act of 2022, kung sa diin siya ang principal author kag sponsor sa Senado, may kaundan nga nagapangapin sa mga kinamatarong sang mga tawo nga ginasumbong sang paglapas sang ini nga laye.

“In relation to human rights, yung anti-terror law, ito lamang yung batas na napakaraming safeguards,” hambal ni Lacson sa debate.

Iya gin-angkon nga kaupod sa laye ang mga probisyon kung sa diin ini nagatagna sa mga otoridad nga mag-report sang pag-aresto sa mga ginakabig nga naglapas sa laye sa pinakalapit nga huwes or korte sa sulod sang 24 oras, kag amo man ang Commission on Human Rights kag Anti-Terrorism Council.

“Wala pong ganyang batas. Lahat ng batas, wala pong ganyang provision, ito lamang po, pinahalagahan talaga yung karapatang pantao dito,” hambal Lacson.

RATING: SALA

Ang matuod:

Sa kabaliskaran, ang laye nakakita sang dako nga pagpamatok sa mga grupo sang human rights sa lokal kag luwas sang pungsod, kag ini isa sa mga pinakadako nga ginbaisan nga laye sa Korte Suprema sang Pilipinas bangud madamo nga pagpangapin sa mga kinamatarong ang ginkakas antes ini ginpapasar.

Naghambal man ang Human Rights Watch (HRW) sang 2022 nga ang laye nagakabig sang terorismo nga sobra kalapad para pasugtan ang mga gina-alegar nga “terorista” nga i-detain asta sa 24 ka oras lamang nga wala sang arrest warrant bag-o mag atubang sa hukom.

Ang Human Security Act of 2007, nga gin bayluhan sang laye, nagakinahanglan sang mga suspek bag-o ipaatubang sa hukom sa sulod sang tatlo ka adlaw.

Ginkakas man sa laye sang tuig 2020 ang isa ka probisyon halin sa Human Security Act nga nagasilot sa mga law enforcement agents kung sila magasala sa pag-dakop nga wala sang warrant of arrest sa mga suspetsado nga may danyos nga nagabalor P500,000 sa kada adlaw sang pagka-preso, hambal sang grupo.

Ginpaandaman sang The SOS-Torture Network Working Group on Torture and Counter-terrorism of the World Organisation Against Torture (OMCT) nga ang warrantless arrest kag ang malaba nga pre-trial detention nga wala sang judicial supervision posible nga maka engganyo sang systemic torture.

Gin-ubra sang HRW kag OMCT ang ini nga mga pahayag matapos ginpapasar sang Congress ang laye kag bag-o ini mapasaka bilang isa ka pormal nga laye.

Pero ang orihinal nga kaundan sang laye ginpabilin matapos ini mangin isa ka laye asta nga gub-on sang Korte Suprema ang duha sa mga nakasaad nga probisyon sini.

Ang isa ka parte sang depinisyon sang laye sa terorismo (kung sa diin nakaupod diri ang pagprotesta nga pwede mahambal nga terorismo) gindeklarar nga unconstitutional bangud kay ini nagalapas sa kinamatarong sang hilway nga pagpahayag nga nakasulat sa 1987 Constitution.

Wala man nakasaad sa mismo nga laye ang ginahambal nga probisyon ni Lacson. Ang mga gina-implementar nga rules and regulations nagahambal sang partikular nga limitasyon sa oras, pero ang iya numero sala, parehos sang ginhambal man sang Rappler kag Philstar.com sa ila nga fact-check.

Ngaa ini importante:

Naghambal si Lacson bilang isa ka kandidato sa pagka presidente sa isa ka opisyal ka debate nga ginapagwa sa mga nanari-sari nga telebisyon kag radyo, kag gina live man sang mga nanari-sari nga news organizations nga may national reach.

(Gin-lubad ni Iris Mabatid sang West Visayas State University-College of Communications para sa Daily Guardian)

Original Source: https://news.tv5.com.ph/breaking/read/fact-check-lacson-falsely-claims-only-anti-terrorism-act-provided-several-safeguards-to-ensure-human-rights?fbclid=IwAR2ER0GyI4Mlr008aoV4PL5XE2o3AyS8owfGhTlbfMuNjlC2Ep95SgeG01I

Daily Guardian is part of #FactsFirstPH, which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email editorial@dailyguardian.com.ph and info@factsfirst.ph, or send a message to facebook.com/DailyGuardianPH.