FACT CHECK: Sala ang pasuni nga indi obligado magbayad sang estate tax ang tagpanubli ni Marcos

Isa ka post nga nag viral sa Facebook nagapati nga ang mga tagpanubli sang anay diktador nga si Ferdinand Marcos Sr. hindi obligado nga magbayad sang estate tax para sa mga manggad nga gin

ANG PASUNI:

Sa isa ka Facebook post halin sa DDS-Duterte Got Doctors’ Support nga page, ginpalapnag sini ang opinyon ni Reniel Jay l. Roman nga nagpahayag nga dapat 6 percent lang sang P203 bilyon nga balayran nga buwis sang mga Marcoses ang dapat buwisan.

Ginpahayag man sini nga ang Bureau of Internal Revenue (BIR) kag ang Presidential Commission on Good Governance (PCGG) nagahulat sa gihapon sang desisyon halin sa Court of Appeals (CA) bag-o ipatuman ang pagpangolekta sang wala pa mabayran nga estate tax sang mga Marcoses.

SALA ANG INI NGA PAGPATI.

Ang kamatuoran:

Samtang ang Revenue Regulations No. 12-2018 sang BIR nagapatuman sang pagpangolekta sang estate tax nga 6 percent, ang post naga-hatag sang kagamuhan sa P203 bilyon nga estate tax liability sang mga manggad sang Marcoses sa ila nga P23 ka bilyon nga tax assessment sang Marcos estate.

Ang P23 bilyon amo ang 60 percent sang P38 bilyon nga bili sang manggad ni Marcos nga wala gin-kumpiskar sang gobyerno. Sang mga tuig 1990, ang BIR nagapatuman sang 60 percent nga estate tax depende sa balor sang manggad, apang ang bag-o nga laye nagpahamtang sang estate tax nga 6 percent.

Ang kapin P203 bilyones nga deficiency estate tax sang mga Marcos halin sa gin-suma sang dati nga Supreme Court associate justice Antonio Carpio sa iya sinulatan sa Philippine Daily Inquirer sang Setyembre 2021.

Ang tax assessment nga gin takus sang BIR para sa mga manggad sang anay nga diktador nga si Ferdinand Marcos Sr. naga balor sang P23,293,607,638 base sa gin hambal sang 1997 Supreme Court (SC) decision.

Pagkatapos mapatungan sang penalidad, ang balor sini naglab-ot sa hindi masobra sa P203.819 bilyones base sa National Internal revenue Code (NIRC) sang tuig 1997.

Ang isyu una na nga gin buksan ni Mayor Isko Moreno nga isa ka standard bearer sang Aksyon-Demokratiko sa pagka presidente.

Nagpromisa si Moreno nga iya paga-implementar ang 1997 SC decision kag paga kolektahun ang wala mabayran nga estate tax sang pamilya Marcos nga nagabalor sa P200 bilyones kag gamiton ang mga ini nga dugang bulig para sa mga Pilipino nga apektado sa tunga sang COVID-19.

(Gin-lubad ni Iris Mabatid sang West Visayas State University-College of Communications para sa Daily Guardian)

Original Source: https://news.tv5.com.ph/breaking/read/fact-check-claim-that-marcos-heirs-do-not-have-to-pay-p203-billion-estate-tax-is-false?fbclid=IwAR3gkPMWZdzZ7T0_6qT0QY1MXOo_kqIeihuKotfv3iV66sfTe5zmtSqtZCI

Daily Guardian is part of #FactsFirstPH, which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email editorial@dailyguardian.com.ph and info@factsfirst.ph, or send a message to facebook.com/DailyGuardianPH.