FACT CHECK | Rekord sang transaksyon ni Imelda Marcos sang iya mga ginbakal nga alahas nga nagabalor 1.43 milyon dolyares, matuod.

Ang kopya sang rekord sang mga ginpamakal nga alahas ni Imelda Marcos halin sa mga sikat nga baligyaan sa New York sa Estados Unidos sang tuig 1978 nga nagabalor sang 1.43 milyon dolyares nagalapta sa social media.

MATUOD ANG MGA INI.

Ang pag-angkon:

Si Marcos, kung sa diin kilala sa iya nga sosyal nga pagpangabuhi, nagbakal sang mahal nga alahas sa Bulgari. Base sa rekord sang iya transaksyon, nagbakal ini sang platinum kag emerald nga bracelet nga 18 -karat gold ring nga may mga diamonds, kag pearl necklace, kaupod sa mga malahalon nga iya ginpamakal.

Ang sekretarya sang mga Marcoses nga si Vilma Bautista amo ang nagpamakal sang alahas para sa iya base sa ginhambal sa dokyumento. Sa kabilugan, ang order naglab-ot sa 1.43 ka milyon ka dolyares ukon 74 ka bilyon ka peso sa subong nga bayluhanay.

MATUOD ANG MGA REKORD NGA INI

Ang matuod:

Ang rekord sang transaksyon sang iya mga pinamakal naghalin sa laragway sang Getty Images, isa ka international visual media outlet. Ang litrato gin kuha ni Alex Bowie nga isa ka journalist sang tuig 1986 sang Pebrero. Ang mismo nga link sang litrato makit-an man sa nagalapta nga post.

“The bill was among documents found at the back of Malacanang Palace, Manila, on the night the Marcos family flex into exile in Hawaii, 25th February 1968,” nasaysay sa caption sang litrato.

Sa mga ginpamakal ni Marcos, ang platinum kag emerald nga pulseras o bracelet amo ang pinakamahal kung sa diin ini nagabalor sang US$1.15 milyon ka dolyar ukon P59 milyones. Ang 18-karat gold ni Marcos nga may rubies, diamonds, and black pearls ginbaligya sa iya sa espesyal nga presyo nga US$30,000 ukon P1.54 milyones.

Ang ear clip nga gold kag diamond ginbakal sa presyo nga US$78,000 ukon P4 milyones, ang 18-karat gold ring nga mga diamonds may presyo nga US$70,000 ukon P3.6 milyones, ang pearl necklace may presyo nga US$35,000 ukon P1.8 ka milyones, kag ang 18-karat gold kag diamond nga singsing may presyo nga US$68,000 ukon P3.5 milyones.

Ang tanan nga balor ginbasi sa subong nga exchange rate.

Ang rekord sang transaksyon nag-guwa man sa social media sang tuig 2016 kaupod ang bata nga si Bongbong Marcos Jr., nga sadto nagpadalagan sa pagka bise presidente. Napirde ini sa iya nga kuntra nga si Leni Robredo.

Si Bautista ginpamatbatan sang State Supreme Court sang Manhattan sa New York sa paghimbon nga ibaligya ang mga obra maestra nga nagapanag-iyahan sang gobyerno sang Pilipinas, nga gin hambal “overwhelming evidence” sang 2014. Convicted man ini sang tax fraud ukon pagdaya sa pagbayad sang buwis.

NGAA IMPORTANTE INI:

Ginpamatbatan si Marcos sang Sandiganbayan sa kaso nga graft kaangot sang pagtipon sang US$200 milyones sang Swiss Foundation sa kasagsagan sang ila paggahum. Gin-pasugtan ini nga magpyansa sang P300,000 pesos kag may ara gyapon sang kahilwayan apisar sang iya salabton.

Ginatantya sa mga nanari-sari nga mga rekord nga halos US$5 milyones asta sa US$10 milyones halin sa kaban sang pungsod ang nadula sa panahon sang ila nga pangunguna. Sa subong, ang Presidential Commission on Good Governance nakabawi sang P174 bilyones samtang P125 bilyones sa gihapon ang ginakaso sa masobra nga tatlo ka dekada humalin sang ginpahalin ang mga Marcoses sa pwesto.

Apisar sini, madamo sa gihapon sa mga Pilipino ang nagapati nga ang mga Marcos wala sang pagpangawat nga ginbuhat sa gobyerno, kung sa diin ang bata sang anay nga diktador, Ferdinand Marcos Jr., nagapanguna sa survey sa pagka presidente.

Asta subong, wala man sa gihapon nila mabayaran ang ila nga estate tax nga naglobo na sa 203 ka bilyon peso.

Ang ABS-CBN, nga kaupod man sang #FactsFirstPH, naghayag man sang pareho nga fact-check report sa ini nga isyu.

(Gin-lubad ni Iris Mabatid sang West Visayas State University-College of Communications para sa Daily Guardian)

Original Source: https://news.tv5.com.ph/search/read/fact-check-invoice-of-imelda-marcos-jewelry-spree-amounting-to-1-43-million-is-true

Daily Guardian is part of #FactsFirstPH, which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email editorial@dailyguardian.com.ph and info@factsfirst.ph, or send a message to facebook.com/DailyGuardianPH.