FACT CHECK: Pre-shading sang mga balota, nasaksihan sa Sultan Kudarat

Sa isa ka tweet sang botante nga si Mo Estrella (@moestrellaPHL), ginpakigbahin sini nga may mga manunudlo nga nagpang-shade sang mga balota sa Baangay Makaguiling, sa Sultan Kudarat, Maguindanao. Siling pa sang Twitter user, nagprotesta na man ang mga poll watcher didtu pero ginapahug sila kag ginbawalan sang Board of Election Inspectors (BEI) nga maggamit sang ila mga telepono para magkuha sang litrato o video.

ANG PASUNI:

Pre-shading sang mga balota, nasaksihan sa Sultan Kudarat

MARKA:

MATUOD

ANG KAMATUORAN:

Sa interbyu sang Altermidya sa Twitter user nga nagsiwalat sang pre-shading, ginsiling sini nga mga poll watcher sang United Bangsamoro Justice Party nga kaalyado sang nagakandidato sa pagkapresidente nga si Vice President Leni Robredo ang nakakita sa isa ka manunudlo nga yara sa akto nga gina-ituman kag ginasabtan ang mga balota.

Ang manunudlo makilala nga anak sang punong Barangay Kapitan sa amu nga lugar, kag kaalyado sang alkalde didtu nga si Shameem Mastura, kilala nga nagasuporta sa kandidatura sang kontra ni Robredo nga si Ferdinand Marcos Jr.

Ang mga Matsura kilala nga pamilya sang mga politiko sa Maguindanao, kag subong may paryente nga nalakip sa appointed nga mga opisyal sang Bangsamoro Transition Authority, sa katawhan ni Tucao Matsura.

Nakabutang sa Omnibus Election Code Artikulo XV Sek. 179 nga ang poll watchers may kinamatarung nga magbantay kag mangin saksi sang mga nagakatabo sa botohan, irekord ang anuman nga makita nga insidente kag magreklamo kung may ginalabag nga layi sa parte sang BEIs.

Nakabutang man sa Artikulo XXII Sec. 261, nga makabig nga paglabag sa layi ang pagtinguha nga gamuhon kag pagsagabal sa bilog nga proseso sang pagboto.

NGAA KAHINANGLAN MAY PAGPANADLONG:

Naalarma ang pila ka mga botante tungod sa nahibaluan nga hitabu. May yara na 19,600 retweets, 3,571 quote tweet kag 29,500 likes ang ginasiling nga tweet. Sa datos sang Commission on Elections, may 497,690 nga rehistradong botante ang Sultan Kudarat para sa eleksyon subong nga tuig.

(Gin-lubad sang Daily Guardian gikan sa orihinal nga fact check sang Altermidya)

Daily Guardian is part of #FactsFirstPH, which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email editorial@dailyguardian.com.ph and info@factsfirst.ph, or send a message to facebook.com/DailyGuardianPH.