FACT CHECK: Nagabaton P20 billion ang mga senador para gamiton sa mga pet projects

Sa isa ka UniTeam campaign rally sang Marso 17, si anay presidential spokesperson kag senatorial candidate Harry Roque naghambal nga ang kada senador nagabaton sang P20 bilyones kada tuig para gamiton sa mga proyekto. Dayon sia nagsiling nga kung makapungko ini sa Senado, mabutang ini sang mga proyekto sa Bataan.

Sa 1:52:11 nga bahin sang bidyo nga ginpost sang Facebook page 1Bataan, si Roque mabatian nga nagahambal, “Hindi pa po tayo nakakatikim ng senador na taga-Bataan. At dahil d’yan, hindi pa natin alam na ang pondo ng isang senador sa mga proyekto, umaabot ng P20 billion. Bataan, gusto n’yo ba ng P20 billion o hindi?” (Wala pa kita makatilaw sang Senador nga taga-Bataan. Bangod sina, wala pa kita kabalo nga ang pondo sang isa ka senador sa mga proyekto, nagalab-ot sa P20 billion. Bataan, gusto bala ninyo ang P20 Billion o indi?)

ANG PASUNI:

Ang mga Senador nagabaton P20 billion sa mga proyekto, pagsuni ni senatorial candidate Harry Roque

INDI INI MATUOD

MGA KAUNDAN:

Mabasahan sa dokumento sang national budget nga ang mga senador wala ginahatagan sang alokasyon sa mga discretionary programs o proyekto kay ang Korte Suprema nagdeklarar nga unconstitutional ang Priority Development Assistance Fund (PDAF) nagligad sa tuig 2013.

Ang PDAF, o mas kilala nga “pork barrel,” nagapangatubang sa kontrobersiya angot ang mga legislator nga ginaalegar nag-abuso sang bilyones nga mga pondo nga ginamit sa mga ghost projects pinaagi sa mga nefarious conduits o mga makaduluda nga koneksyon, kaupod ang mga bogus non-government organizations nga ginpatindog sang kontrobersyal nga si Janet Lim Napoles.

Si Roque nga nagapadalagan sa idalom ni anay senador Ferdinand Marcos Jr. wala magsambit sang PDAF ukon “pork barrel” sa iya diskurso, apang klaro nga ini tuhoy sa kontrobersyal nga discretionary budget. Ang wala masambit sini, o basi ang hungod nga wala gindala sa diskurso amo nga illegal para sa mga senador ang magtandug sang tuhoy nga pondo para sa ila pet projects. Makaduluda ang pagpromisa ni Roque sa nagabalor P20 billion nga proyekto sa Bataan halin sa isa ka defunct budget system.

Apang indi matarung nga magpasuni nga ang kada senador may natalana nga P20 billion para sa proyekto, ang publiko nagapabilin sa dulom sang mga matuod nga nagakatabo. Bisan pa sa desisyon sang SC sa 2013, pila ka mga buyagyag ang nasanagan nga gapamatuod nga ang pork barrel system ara pa sa gihapon. Madamo sang estimated nga mga tion nga ang mga legislator naga”realign” sa mga congressional hearings para mahatagan pondo ang ila pet projects. Sang 2019, ang chairperson sang House Committee on Appropriations nga si Camarines Sur Rep. Rolando Andaya Jr., nagtuad nga ang Senado nagrealign sang may total P83.6 billion pondo sang gobyerno, para alegar nga mapinansyahan ang mga bag-o luwas nga pork barrel system.

NGAA DAPAT MAY PAGPANADLONG:

Sa pila ka dekada, ang mga kandidato nga nagapadalagan nagapromisa sa botante sang funding sa mga proyekto sa ila lokalodad sa baylo sang pagsuporta. Apang, dapat ipabalo nga ang pag-impliment sang publicly funded projects indi parte sang trabaho sang mga senador, sa likod sang pag-aku nga may kontrol ini sa mga porsyon sang pampubliko nga pondo amo ang mga pet projects nga mahangpan naga pakadto sa  large-scale political corruption kag ginapabay-an ang patronage politics. -Rome Medina & Neil Dizon

(Gin-lubad ni Ryce Erica Lacbanes sang West Visayas State University-College of Communications para sa Daily Guardian)

Original Source: https://www.altermidya.net/fact-check-senators-receive-p20-billion-for-pet-projectsharry-roque-claims/

Daily Guardian is part of #FactsFirstPH, which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email editorial@dailyguardian.com.ph and info@factsfirst.ph, or send a message to facebook.com/DailyGuardianPH.