FACT-CHECK: Mga artista nagpanginwala nga maperform sa UniTeam rally sa Zamboanga sa Abril 10

Madamo nga mga artista ang nag panginwala sang nagalapta nga impormasyon sa social media nga magaperform kuno sila para sa rally sang UniTeam sa Zamboanga sa ika-10 sang Abril.

Suno sa Facebook post sang user nga si Thunder Stuck, ang UniTeam rally nga pagalunsaron sa Enriquez Memorial Complex ang maga feature sang mga personalidad nga kanday Cong TV, Team Payaman, singer nga si Zack Tabudlo, kag mga OPM nga banda IV of Spades, Kamikazee, Parokya ni Edgar, Agsunta, Philia, kag ang aktres nga si Toni Gonzaga.

Pero lima sa mga artista ang nagpanginwala nga ma upod sila sa rally kag gin tawag ang impormasyon nga fake news.

Ginpabalo sang Parokya ni Edgar ang ila 5.2 million ka followers sa Facebook nga wala sang kamatuoran ang ila partisipasyon sa okasyon kag ina kuno “is not true.”

Gintawag ni Vivien Ilagan sang vlogger group nga Team Payaman ang impormasyon nga “fake news” sa iya Instagram story matapos ginpamangkot sang iya fans.

“NEVER kami mag paparticipate sa kampanya na ito. MGA SINUNGALING. Gusto ko lang tahimik at hindi ma involve sa mga ganitong bagay, kaso kailangan namin gawan to ng aksyon. WE ARE NOT FOR SALE!” siling naman sang Kamikazee drummer nga si Allan Burdeos sa isa ka Instagram post.

Mientras, ang “Binibini” hitmaker nga si Tabudlo gintawag man nga “peyk news” ukon fake news kag nag lango-lango pa nga “di pa magandang picture ginamit sakin.”

Ginpanginwala man ni Blaster Silonga sang IV of Spades ang pagperform sa okasyon, kag nagsiiling nga “San darating ang tallano gold,” nga gatumod sa ila hit song nga “Mundo.”

Ang UniTeam Regional Headquarters sa Zamboanga Peninsula man mismo nagpanginwala sang nagalapta nga impormasyon sa Facebook kag naghambal nga wala ini maverify sang ila team.

(Sinulatan ni Sean Rafio/Daily Guardian; Gin-lubad ni Ma. Trina Belmote sang West Visayas State University-College of Communications para sa Daily Guardian)

LINK TO ORIGINAL TEXT: https://www.facebook.com/DailyGuardianPH/posts/5415833801769874?_rdc=2&_rdr

Daily Guardian is part of #FactsFirstPH, which brings together various sectors that are committed to promoting truth in the public space, and exacting accountability on those who harm it with lies.

Spotted a video or post you suspect to be false? Report it to the #FactsFirstPH tipline by messaging Daily Guardian on Facebook, so participating newsrooms and groups can investigate the claim.

#FactsFirstPH

#DailyGuardian