Sa isa ka interview sang SMNI sa ila nga programa “Dito sa Bayan ni Juan,” si anay senador Juan Ponce Enrile nag-alegar nga ang election fraud o dinayaay sa eleksyon sa Pilipinas nag-umpisa sugod sang na-implementar and automated elections.
Nag-post ang SMNI sang isa ka clip sang interview sa ila Tiktok account nga may caption “Alamin: Dayaan sa eleksyon kailan nagsimula?”
Sa clip, si Enrile nagahambal, “Nag-umpisa ang dayaan sa botohan through electronic system.” Ginhambal man sang dati nga senator nga ang napatay na nga si President Corazon Aquino nag-umpisa sang sistema sang dayaan sa eleksyon.
ANG PASUNI:
Si Presidente Corazon Aquino nag-umpisa sang dayaan sa election sa Pilipinas sa pamaagi sang automated elections, hambal ni dati nga senador nga si Enrile.
Rating: SALA
ANG KAMATUORAN:
Ang automated election system (AES) gin implementar sang tuig 2010 sa termino ni anay presidente Gloria Arroyo. Ini nagapamatuod lamang nga sala ang pag-angkon ni Enrile nga naga-basol kay Cory Aquino nga siya nag-umpisa sang dayaan sa eleksyon, kung sa diin napatay na ini isa ka tuig antis sang 2010 election.
Maluwas diri, samtang madamo sang nagakalain-lain nga mga taga-obserba nagpabutyag sang ila nga hibubun-ot sa AES, sala kung ila hambalon nga ang mga automated nga pinili-ay amo ang pinakauna nga nagdulot sang pandaraya sa eleksyon sang Pilipinas. Si Enrile mismo ang naghambal sa iya nga memoir nga ginsugo siya sang napatay na nga si President Ferdinand Marcos nga dayaon si Aquino sang 300,000 ka boto sa Cagayan sang 1986 snap elections.
Sa historical count nga gin publish sa Official Gazette, ginhambal man nga “massive poll fraud and rampant cheating marred the vote on the day of the elections, February 7, 1986.”
Ang pag-pandaya sa election madugay na nga record sa Pilipinas, kung sa diin na-rekord na ang pandaraya sa botohan sang 1946 pa lang.
Sa political record ni Enrile, kilala na ini sa pagpalapta sang pila ka pag-angkon nga baliskad sa ginapakita sa historical records. Ang ex-senator ginakusahan man sang pila ka mambabatas sang “lying through his teeth” ukon pagbinutig bangud sa paghambal sang mga isyu nga wala sang basehan.
(Gin-lubad ni Iris Mabatid sang West Visayas State University-College of Communications para sa Daily Guardian)
Daily Guardian is part of #FactsFirstPH, which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email editorial@dailyguardian.com.ph and info@factsfirst.ph, or send a message to facebook.com/DailyGuardianPH.
