Ang mga pungsod pareho sang Sweden, Germany, Portugal, Japan, kag iba pa ang nagagamit na sang renewable energy nga mga teknolohiya agud likawan ang mga fossil fuel.
ANG PASUNI: Wala pa sang may naimbento nga mga teknolohiya nga wala nagagamit sang mga fossil fuels para magsuporta sa kanilugan sang mga ekonomiya sa kalibutan.
INDI INI MATUOD.
ANG KAMATUORAN: Ang mga pungsod pareho sang Sweden, Germany, Portugal, Japan, kag iba pa ang nagagamit na sang renewable energy nga mga teknolohiya agud likawan ang mga fossil fuel kag mabuhinan ang epekto sang climate change.
NGA-A KINAHANGLAN I-FACT-CHECK: Ginpasuni ini ni Presidente Ferdinand Marcos Jr. sa iya inaugural speech sadtong Hunyo 30, 2022.
MGA DETALYE
Sa iya nga inaugural speech, ginsiling ni Marcos nga “Sufficient fossil fuel-free technologies for whole economies have yet to be invented, and it is not seriously tried by rich countries.”
Ginpahayag niya ini kadungan sang nagapadayon nga kagamo sa tunga sang Russia kag Ukraine nga naga-apekto sa kalibutanon nga merkado sang krudo.
Indi matuod ang in inga pasuni.
Isa ang Sweden sa mga pungsod nga nagapanguna sa paghimo sang mga teknolohiya sa renewable energy sa tinutuyo nga mas mapabakod ang mga industriya kag kag suportahan ang ila ekonomiya.
Tuyo nila nga mangin pinakauna nga pungsod nga mangin hilway sa pag-gamit sang fossil fuels kag nagpangako nga magapadayon sa paglab-ot sang “net zero carbon emissions” sa tuig 2045 para mapakuri ang epekto sang climate change.
Naghimo man sang kapareho nga pangako ang iba nga mga pungsod pareho sang Germany, Portugal, Japan kag iba pa agud malab-ot ang net zero emissions sa padayon nga pagpamuhunan sa mga industriya sang renewable energy.
Ginlubad ni MARJUNE N. MUZONES, Intern sang Daily Guardian, gikan sa sinulatan ni Sofia Guanzon sang Rappler: https://www.rappler.com/newsbreak/fact-check/fossil-fuel-free-technologies-economies-not-yet-invented/
