Suno sa lista sang Philippine Electoral Almanac, tatlo ka mga presidente sa sulod sang apat ka eleksyon ang nakakuha snag mas dako nga mandato kaysa kay Marcos Jr.
ANG PASUNI: Si Presidente Ferdinand Marcos Jr. ang nakakuha sang pinakadako nga mandato sa eleksyon sa bilog nga kasaysayan sang Pilipinas
INDI INI MATUOD.
ANG KAMATUORAN:
Ginpahayag ni Presidente Ferdinand Marcos Jr. sa iya inaugural speech nga nakuha niya ang pinakadako nga mandato sa eleksyon sa kasaysayan sang demokrasya sa Pilipinas.
“When my call for unity started to resonate with you, it did so because it echoed your yearnings, mirrored your sentiments, and expressed your hopes for family, for country, and for a better future. That is why it reverberated and amplified as it did to deliver the biggest electoral mandate in the history of Philippine democracy.”
https://youtu.be/_jZoTKryh3s
Sa isa ka diskusyon sang mamantala nga si John Nery, iya ginklaro nga ang mandato sa eleksyon amu ang nagabase sa porsyento sang boto nga nakuha sang kandidato kumpara sa tanan nga boto sa bilog nga pungsod kag indi ang aktwal nga numero sang boto nga nakuha sang kandidato sa eleksyon.
Padayon nga nagadako ang populasyon sang Pilipinas kag ang numero sang mga boto nga makuha sang mga kandidato kada mag-eleksyon kay nagadako man.
https://www.youtube.com/watch?v=ugM072Hswec
Suno sa lista sang Philippine Electoral Almanac, tatlo ka mga president sa sulod sang apat ka eleksyon ang nakakuha snag mas dako nga mandato kaysa kay Marcos Jr.
Sila amo sanday Mauel L. Quezon nga may 67.99% sadtong eleksyon sang tuig 1935 kag 81.7% sang 1941, Ramon Magsaysay nga may 68.9% sadtong eleksyon sang tuig 1953, kag Ferdinand Marcos Sr, nga nakakuha sang 61.74% nga mandato sadtong eleksyon sang tuig 1969. https://archive.org/…/philippine-electoral…/mode/2up
Nakaagom sang 58.77% nga mandato si Marcos Jr. sa eleksyon sang tuig 2022.
https://www.rappler.com/…/marcos-jr-got-biggest…/
NGA-A KINAHANGLAN I-FACT-CHECK: Pagkatapos sang pagpanumpa ni Marcos Jr. samtang ginatungtong ang iya kamot sa Bibliya, ginlapas na niya ang ika-9 nga sugo nga nagasiling “Thou shall not bear false witness” ukon dili ka magbinutig. Bilang Presidente sang Pilipinas, dapat siya mangin ehemplo sang integridad.
Ginlubad ni MARJUNE N. MUZONES, Intern sang Daily Guardian, gikan sa sinulatan sang Baguio Chronicle: https://www.facebook.com/baguio.chronicle/photos/a.855816784474380/5444907735565239/
