Wala sang pahayag si Prince Charles nga nagasiling nga nagbilib siya kay Marcos Jr. sa seremonya sang iya pagpanumpa. Ang video nga nagapasuni sini kay wala sang pruweba nga naghatag si Prince Charles sang nasambit nga pahayag.
ANG PASUNI: Nagbilib si Prince Charles sa inagurasyon ni Presidente Ferdinand Marcos Jr.
INDI INI MATUOD.
ANG KAMATUORAN: Wala sang pahayag si Prince Charles nga nagasiling nga nagbilib siya kay Marcos Jr. sa seremonya sang iya pagpanumpa. Ang video nga nagapasuni sini kay wala sang pruweba nga naghatag si Prince Charles sang nasambit nga pahayag.
NGA-A KINAHANGLAN I-FACT-CHECK: Nakaagom na ang post sang pasobra 7,400 nga mga reaksyon, 1,094 ka mga komento, kag 180,780 ka mga views sa Youtube sang ginsulat ang fact-check nga ini.
MGA DETALYE:
Isa ka bidyo ang ginpaskil sadtong Hulyo 1 sang YouTube channel nga “Newsfiles” kag nagasiling nga nagbilib si Prince Charles sa inagurasyon ni Presidente Ferdinand Marcos Jr.
Indi ini matuod.
Wala sang may ginpaskil nga pahayag ni Prince Charles tuhoy sa inagurasyon ni Presidente Marcos ang opisyal nga Facebook page sang Royal Family sang United Kingdom kag British Embassy sa Manila.
Wala man sang pruweba ang bidyo nga nagapasuni nga nagsiling si Prince Charles nga nagbilib siya sa seremonya sang pagpanumpa ni Marcos. Ginpakita lang sa bidyo ang mga laragway nga kuha sang inagurasyon ni Marcos nga may naka-apid man nga laragway sang Prinsipe.
Ginlubad ni MARJUNE N. MUZONES, Intern sang Daily Guardian, gikan sa sinulatan ni Lorenz Pasion sang Rappler: https://www.rappler.com/newsbreak/fact-check/prince-charles-impressed-by-marcos-inauguration/
