Siling ni Robredo sa isa ka post nga imposible ang hambal-hambal tungod wala gid siya nag-leave of absence sa pag eskwela kag nakatapos siya sang pag eskwela sa insakto nga oras
ANG PASUNI
May nauna nga bana nga miyembro sang New People’s Army (NPA) nga gin-updan si Bise Presidente Leni Robredo sang 15 anyos pa lang siya.
INI INDI MATUOD
Ang kamatuoran: Siling ni Robredo sa isa ka post nga imposible ang hambal-hambal tungog kay wala gid siya nag-leave of absence sa pag eskwela kag nakatapos siya sang pag eskwela sa insakto nga oras
NGAA KINANGLAN I-FACT-CHECK: Ginpadala sa Rappler paagi sa email ang hambal-hambakl para ma-fact-check.
ANG KAUNDAN
Isa ka post ang naglapta sa Facebook kag TikTok ang naga-alegar nga si Bise Presidente Leni Robredo ang gin-kasal sa isa ka miyembro sang New People’s Army (NPA) bag-o niya napa-mana ang nagtaliwan nga Interior Secretary Jesse Robredo.
Nakabutang sa post nga naghalin ang impormasyon sa isa ka Nikol Thursby. Suno kuno kay Thursby, ginkasal si Robredo sa isa ka miyembro sang NPA nga halin sa Cebu. Ginbayaan kuno ni Robredo ang iya pamilya para makaupod ang iya una nga asawa. Ginpasuni man ni Thursby nga ang bana kuno ni Robredo ang isa sa mga napatay sa engkuwentro sang NPA kag soldado sang dati nga diktador nga si Ferdinand Marcos Sr.
Sa iban nga bersiyon sang isturya nga galapta sa social media, ginhambal pa nga ginpakaslan ni Robredo ang lalaki sang 15 anyos pa lang siya. Sa isa pa ka bersiyon, may bata kuno nga gintago si Robredo sa lalaki nga ni.
Ginpadala sa Rappler paagi sa email ang hambal-hambal para ma-fact-check.
Indui matuod ang bisan ano man nga bersiyon sang gakalat nga impormasyon nga ini..
Sa isa ka post ni Robredo sang Marso 13, gin klaro niya ang ga lapta nga istorya sa social media kag gin eksplekar kung ngaa imposible ini nga matabo.
“15 years old? 3rd year high school palang ako niyan. Lahat na high school classmates ko at college classmates ko can attest na never akong nag leave of absence at grumadweyt ako on time at the age of 21. Sa dormitory ako sa loob ng UP tumira for 4 years,” siling ni Robredo sa post.
Halin sa website ng Office of the Vice President (OVP), nakatapos sang hayskul si Robredo sang 1982, kag 1986 naman sang matapos niya ang iya economics degree sa University of the Philippines (UP).
Nagpakasal si Leni kag si Jesse – ang tunay kag naga isahanon niya nga bana – sang Hunyo 1987, isa ka tuig pagkatapos sila magkilalahanay.
Napatay si Jesse Robredo sang Agosto 2012.
Si Leni Robredo naging congresswoman sang 2013 kag nahalal nga bise presidente sang 2016. Gapadalagan siya subong sa pagkapresidente sa eleksiyon sini nga Mayo 2022. – Lorenz Pasion/Rappler.com
(Sinulatan ni Lorenz Pasion/Rappler.com; Gin-lubad ni Ma. Trina Belmote sang West Visayas State University-College of Communications para sa Daily Guardian)
Daily Guardian is part of #FactsFirstPH, which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email editorial@dailyguardian.com.ph and info@factsfirst.ph, or send a message to facebook.com/DailyGuardianPH.
