INDI MATUOD: Mapag-on ang kahimtangan sang pungsod suno sa ginsiling ni Presidente Marcos Jr. sa katapusan nga bahin sang iya SONA

ANG PASUNI: Ginsiling ni Presidente Marcos Jr. sa katapusan nga bahin sang iya SONA nga mapag-on ang kahimtangan sang pungsod.

INDI INI MATUOD.

NGA-A KINAHANGLAN I-FACT-CHECK: Ginpahayag sang mga eksperto nga ang una nga SONA sang bago nga presidente ang magaserbe blueprint ukon panggiya sang administrasyon. Apang ang pagsiling nga mapag-on ang kahimtangan sang pungsod sa tunga sang mga krisis sa ekonomiya amu ang nagapakita lamang nga malayo sa kamatuoran ang paminsaron sang administrasyon. 

MGA DETALYE

            Malayo gid sa pahayag nga mapag-on ang kahimtangan sang ekonomiya sang pungsod ang sitwasyon sa subong nga panahon. Ini bangud sa mga gina-atubang nga problema pareho sang pagtaas sang presyo sang mga balaklon kag serbisyo kag ang ginapanan-awan nga global recession sang mga ekonomista.

Suno sa IBON Foundation, ginapakita sang bago nga nga datos nga ang Pilipinas isa sa mga pungsod sa Southeast Asia nga may pinakadako nga kakulangan sang mga pumuluyo nga may obra. Sang May 2022, naglab-ot sa 6% ang unemployment rate sang pungsod nga ginasundan sang Indonesia nga may 5.8% kag Malaysia nga may 3.9%. Dugang pa diri, Pilipinas man ang ikaduha sa may pinakamataas nga inflation rate sa Association of Southeast Asian Nations 6 (ASEAN 6) nga may 6.1%.

Ginlubad ni MARJUNE N. MUZONES, Intern sang Daily Guardian, gikan sa sinulatan sang Altermidya: https://www.facebook.com/altermidya/photos/a.386709058145228/2338482136301234/