ANG PASUNI: Nagpahayag si Bise Presidente Leni Robredo nga may kinagamo nga matabo kun siya mapirde sa presidential election.
INI INDI MATUOD
ANG MATUOD: Wala sang ano man nga hambalanun, dokumento o bidyo nga nagapamatuod nga ginhambal ini ni Robredo ukon sin-o man sa iya nga kampo.
Ngaa nagakinahanglan may pagpanadlung ukon: Ginhambal ini sang reporter nga si Marlon Purificacion sang Journal Publications sang nangayo sang reaksiyon sang iban nga presidential candidates sa isa ka press conference sang Dominggo, Abril 17. Ang Journal Publications ginapanag-iyahan sang isa pa ka kuntra ni Robredo nga si Ferdinand Marcos Jr.
Mga detalye:
Sang Abril 17, naghiwat sang isa ka press conference ang mga kandidato sa pagka-presidente nga sanday Manila Mayor Isko Moreno, Senador Panfilo Lacson, kag anay defense secretary Norberto Gonzales.
Nag-upod man diri ang mga kandidato sa pagkabise presidente na sina Dr. Willie Ong nga amo ang running mate ni Moreno, kag si Senate President Vicente Sotto III, and running mate ni Lacson.
Gusto kuno nila ipabutyag nga indi sila mag-atras sa kandidatura bisan pa nga may nagaistorya nga mag-atras kag suportahan na lang si Bise Presidente Leni Robredo.
Ginpamangkot ni Marlon Purificacion sang Journal Publications ang mga kandidato: “Kunin ko lang ho ang reaksiyon ’nyo kasi may statement recently si Vice President Robredo na ’pag natalo siya ngayong eleksiyon ay magkakagulo. What’s your take on that (Ano po ang masasabi ’nyo rito)?”
Indi matuod nga naghambal sini si Robredo.
Wala sang ano man nga hambalanun, dokumento o bidyo nga nagapamatuod nga nakahambal, ukon sang bisan ano man nga pamahayag nga malapit diri si Robredo.
Gin-tinghuaan man ni Lacson nga klaruhon kung matuod gid man nga naghalin kay Robredo ang ini nga pahayag ukon halin ini sa iya tagasuporta, kag gin insistar man ni Purificacion nga si Robredo mismo ang naghambal.
Insigida man nga nag fact-check si Mara Cepeda, ang beat reporter sang Rappler nga nagasunod sa kampanya ni Robredo halin sang umpisa.
Gin hambal ni Cepeda sa isa ka tweet: FACT: Been covering VP Leni Robredo’s presidential campaign since she declared her candidacy. NEVER did she say there would be chaos if she loses this race. Her male rivals fell into that trap of a question ’no?” [Ginasundan ko ang kampanya ni VP Leni Robredo sa pagkapresidente halin sang nagdeklarar ini sang iya pagkakandidatura. HALIN SANG UNA WALA siya may ginhambal nga magkalagami kung mapirde siya sa eleksyon. Ginpatulan gid sang mga lalaki niya nga mga kuntra ang pamangkot nga ini, no?]
Halin Abril 17, nagalapta man sa gihapon ang mga chismis nga halin naman ang pahayag sa kampo ni Robredo.
INDI MAN INI MATUOD.
Sang Abril 21, naghatag sang opisyal nga pahayag ang spokesperson ni Robredo nga si Barry Gutierrez sa Rappler: “Neither VP Leni nor anyone else from the campaign ever said any such thing. The supposed ‘quote’ is a complete fabrication.” [Hindi naghalin kay VP Leni ukon sin-o man sa amon kampanya ang naghambal sini. Ang ini nga pahayag “kuno” ubra-ubra lang.]
Ang Journal Publications ginapasadnan sang People’s Journal, People’s Tonight, People’s Taliba website, at Journalnews.com. Ginapanag-iyahan ini sang pakaisa sang isa ka karibal ni Robredo, amo ni Ferdinand Marcos Jr.
Base sa isa ka research sang Tsek.ph, si Robredo amo ang pinaka masami nga gina biktima sang sala nga impormasyon kag kabutigan nga kaangay sini nga eleksyon.
(Gin-lubad ni Iris Mabatid sang West Visayas State University-College of Communications para sa Daily Guardian)
Daily Guardian is part of #FactsFirstPH, which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email editorial@dailyguardian.com.ph and info@factsfirst.ph, or send a message to facebook.com/DailyGuardianPH.
