Ginapakita sa imahe nga napaskil si Maria Ressa kung sa diin ginapanan-awan ang pag aresto sa iya. Apang sang tu-i9 2019 pa ang imahe kung sa diin gin-aresto siya sa lain pagid nga kaso.
ANG PASUNI: Isa ka paskil sa Facebook ang nagapasuni nga ginsentensyahan sang 15 ka tuig para sa kaso nga cyber libel si Maria Ressa.
INDI INI MATUOD.
NGA-A KINAHANGLAN I-FACT-CHECK: Nakalab-ot na sa 1400 ka mga reaksyon kag 144 ka mga sharebang paskil sa Facebook sang Hulyo 29. Makabuga sa reputasyon ang malapnag nga paglapta sang indi matuod nga mga balita.
MGA DETALYE
Nagpaskil ang Facebook user nga si Israel Ponce sa isa ka page nga ginahingalanan “The Marcos-Duterte Chronicles” sang pasuni nga ginsentensyahan sang 15 ka tuig sa presuhan bangud sa kaso nga cyber libel ang CEO sang Rappler kag mamantala nga si Maria Ressa.
Makita sa imahe nga nakapaskil si Maria Ressa kung sa diin ginahiwat ang isa ka arrest booking procedure. Apang sang 2019 pa nakuha ang imahe sang gin-aresto man si Ressa sa iba pagid nga kaso.
Ginpapag-on pagid sang Court of Appeals ang desisyon batok sa ila ni Ressa kag isa pagid ka researcher sa Rappler nga si Reynaldo Santos Jr. matapos sila ginpasakaan sang kaso ang negosyante nga si Wilfredo Keng sadtong 2017.
Angot ang desisyon sang CA sa artikulo nga nagatumod kay Keng nga may kaangtanan sa mga gina-alegar human trafficking kag drug smuggling.
Kung masentensyahan, mahimo sila mapreso sa sulod sang 7 ka tu-ig. Apang pwede sa gihapon mapiyansahan ni Ressa kag Santos ang kaso nga cyber libel apesar sang desisyon sang CA.
Ginlubad ni Marjune Muzones, Daily Guardian intern, gikan sa sinulatan sang Baguio Chronicle: https://www.facebook.com/baguio.chronicle/photos/a.857049371017788/5514988541890491/
Comments are closed.