INDI MATUOD: Ang lalaki nga nangluthang sa Ateneo ang kung tani bag-o nga tagapamuno sang DOH

Sang Hulyo 29, wala pa sang may napili nga bago nga Secretary para sa Department of Health si Presidente Marcos Jr.

ANG PASUNI: Ang lalaki nga nangluthang sa Ateneo ang kung tani bag-o nga tagapamuno sang DOH.

INDI INI MATUOD.

NGA-A KINAHANGLAN I-FACT-CHECK: Apesar sang iya titulo bilang doctor, may ginluthang si Yumol nga tatlo ka mga tawo. Ang pag-apin sa iya sang Maharlika amu ang nagatubong sang pagbalhin sang diskurso agud matinlu-an ang ngalan kag imahe ni Yumol. Ini matuman sa pagpalapnag sang indi matuod nga mga impormasyon sa 933,000+ nila ka mga follower sa Facebook kag iba pa nga social media pages.

Ang imahe gikan sa Interaksyon amu ang nagapakita sang doctor kag gunman nga si Chao Tiao Yumol sadtong Hulyo 24 sa DOH Compound, Santa Cruz, Manila.

(The Philippine Star/Michael Varcas; Judgefloro/Wikimedia Commons)

MGA DETALYE

Isa ka bulan bago ang gina alegar pagpangluthang ni Yumol sang tatlo ka mga personalidad sa Ateneo De Manila University, ginpahayag ni Dr. Chao-Tiao Yumol sa isa ka paskil sa Facebook sadtong Hunyo 19 nga  “Mga kakampotah mag live nako dun tayo magbastusan bago ako maging health secretary.” Ginasiling niya nga siya ang mangin bag-o nga Secretary sang Department of Health (DOH).

https://interaksyon.philstar.com/trends-spotlights/2022/07/25/223076/chao-tiao-yumul-ateneo-gunman-health-secretary/?fbclid=IwAR26WoD2DLpFfVlBRriepavQU76dH4szbi95qcz6mCl8E2oJ9LH31RjjeL8

Nagpaskil man sa Facebook wall ni Yumol ang Pro-Marcos page nga Maharlika kag nagapaabot sang ila pagpanginbulahan sa iya.

https://www.facebook.com/BalitangMaharlika/posts/pfbid0GobDYyeud7XQfED6wyejFi219YNATs7jAT2EDSULbfXmYDhcJryneyLEmbbgmCUgl

Nagpahayag man sang iya pagpanginbulahan kay Yumol ang isa pagid ka Facebook user nga si Jayson Dumaguin.

https://www.facebook.com/TagapagmulatNgKatotohanan/posts/pfbid0m8DiKJd5EEhBEF5LkQcJ3nZbi6HfXP7GQBK4Qcx9GfTBywPdf2DhPdXvbz8hi6sJl

Sang alas-7 sa gabi sa adlaw nga natabo ang pagpangluthang, gin-islan ni Dumaguin ang iya ginpaskil kag gindula ang nasambit nga posisyon nga pagapungkuan ni Yumol. Indi na makita ang paskil sa pinakaulihi nga pagpangita sadtong Hulyo 28, alas-5 sa hapon.

Wala ini sang kamatuoran.

Nagresulta sa kamatayon sang 3 ka mga tawo ang pagpaniro nga natabo sa Ateneo De Manila University sadtong Hulyo 24 sa kung tani graduation ceremony sang isa ka kolehiyo. Ginkilala ang mga nagtaliwan nga sanday ex-Lamitan City Mayor Rose Furigay, iya kabulig nga si Victor George Capistrano, kag ang sekyu sa ADMU nga si Jeneven Bandiala. Ang suspek nga si Dr. Chao Tiao Yumol amu ang may mga di pag-intindihanay kay Furigay. Ini ang Nakita nga rason sang mga awtoridad sa likod sang pagpangluthang.

https://ph.news.yahoo.com/ateneo-shooting-condemned-by-bongbong-marcos-sara-duterte-leni-robredo-060835960.html?guce_referrer=aHR0cHM6Ly9sLmZhY2Vib29rLmNvbS8&guce_referrer_sig=AQAAAGYBQcQVF1-gn74uDVMEf2p1FsRPFczdGM4YsiTUi36NN-Genh5hD3fpJ99BODAp_jbqawvTPFaxuWTux_MD79wBPriUNeQ1K6WrrMpexIQ6TrNV7gCnbz1NT8OimajU4Ce9c5SzlZGTrwndJ2l2XePvIFQ7LFfscdD5AAVoeNva&fbclid=IwAR0MgoH9XJuYdGzeRytl9_1E90gFtq9BofgnXhDqs4dJXAukFJvfTUjA0tk&guccounter=2

Siling ni Yumol, konektado sa baligyaanay sang illegal nga droga sa Lamitan si Furigay apang wala sang pamatuod ang akusasyon ng aini.

Pila ka mga tagasuporta nga pro-Marcos kag pro-Duterte ang nagpahayag sang ila suporta kag pag-unong kay Yumol sang gin-aresto ini sang mga awtoridad.

Suno sa Rappler, nakakita sila snag masobra 2,300 ka mga paskil sa facebook kag 250 ka mga bidyo sa YouTube nga nagamitlang sang “Yumol” sadtong Hulyo 24 asta Hulyo 26. 56.6% sini ang mga paskil sa Facebook kag 45.4% ka mga bidyo sa YouTube ang nagapakita snag suporta sa suspek.

https://www.rappler.com/newsbreak/investigative/sympathizers-defend-ateneo-shooting-gunman-online/?fbclid=IwAR0MgoH9XJuYdGzeRytl9_1E90gFtq9BofgnXhDqs4dJXAukFJvfTUjA0tk

Ginsiling man sang mga netizen ang iya pagka-doktor kag pagkabaganihan sa pagpatay sang isa ka ginasiling nila nga drug lord agud mahatagan sang rason ang natabo nga krimen.

Ginamando sang Executive Order No. 292, Chapter 10, Section 44 nga ang Presidente lamang ang may awtoridad sa pagbutang sa pwesto sa mga department secretaries, kaupod ang Commission on Appointments.

https://www.officialgazette.gov.ph/1987/07/25/executive-order-no-292-book-ivchapter-10-appointments-and-qualifications/?fbclid=IwAR3_o9ffWBuoihTv1x4b52y0dRmihGSfhAPMoSX1m0-NH2LQTAD6cyo_r2E

Kung basehan ang malain nga pamatasan ni Dr. Chao-Tiao bago ang natabo nga pagpangluthang, gamay gid ang posibilidad nga ma konsiderar siya bilang DOH Secretary.

Indi man makabig nga dako ang iya pagserbisyo sa gobyerno kag reputasyon. May mantsa man ang iya imahe sa mga kapareho niya nga doctor nga nagabuhin pagid sang posibilidad nga mahimo siya nga health secretary.

Sang Hulyo 28, wala pa sang may napili si Presidente Marcos Jr. bilang bago nga Secretary sang Department of Health apisar sa pagsaka sang mga kaso sang Omicron BA.5 subvariant sang COVID-19 kag monkeypox sa subong.

Ginlubad ni Marjune Muzones, Daily Guardian intern, gikan sa sinulatan sang Baguio Chronicle: https://www.facebook.com/baguio.chronicle/photos/a.857049371017788/5514917178564294/

1 COMMENT

Comments are closed.