FACT CHECK: Marcos Jr. isa sa pinaka-ulihi mag-abot sa mga sesyon sang ika-16 nga Kongreso

Bilang isa ka senador sa ika-16 nga Kongreso, naka attend lang si Ferdinand “Bongbong” Marcos Jr. sang 146 sa 214 nga plenary sessions kag nagin late sang 34 ka beses.

ANG PASUNI: Si Ferdinand “Bongbong” Marcos Jr. wala magtambong sa 67 ka sesyon kag ika-pito nga may pinakadamo nga absences sa mga senador sa ika-16 nga Kongreso.

INI INDI BUG-OS NGA MATUOD

Isa ka laragway nga ga-lapta sa Facebook naga-pakita nga si Ferdinand “Bongbong” Marcos Jr. may pinakadamo nga absences sa mga senador sa ika-16 nga Kongreso.

“Noong 16th congress, si Bongbong Marcos ay tinanyagan bilang isa sa PINAKATAMAD na senador. 67 beses syang nag absent at nakuha din nya ang top 7 spot sa may pinakamaraming late (sic),”.

(Sa ika-16 nga kongreso, si Bongbong Marcos ang isa sa pinaka tamad nga mga senador. Naka absent siya 67 ka bese kag ika-7 sa most late magpakita.)

Ang litrato nga ni may dala nga link sa isa ka GMA News report.

Iban sa mga pasuni sang litrato ang matuod apang ang iban indi. Ini base sa GMA News report nga gintumod sa litrato, kay ang attendance records sang Senate Journal Service indi available para sa publiko.

Una, ang report wala sang direkta nga patudlo kay Bongbong nga kuno isa sa pinaka-matamad nga mga senador. Sala ukon indi matuod ang una nga pasuni sang litrato .

Ikaduwa, absent si Marcos sang 68 ka beses, indi 67 nga naka butang sa litrato, sa 3 ka tuig sa sulod sang ika-16 nga Kongreso (2013-2016). Ang hambal sa report nga si Marcos nakatambong lang sang 146 sa kabilugan nga 214 plenary sessions. Quick math: 214 minus 146 is 68.

Sa pang-ulihi nga bahin sang caption sa litrato amo ang matuod. Ika-7 gid man si Marcos sa lista sang mga senador nga pirme ulihi mag-abot sa ila sesyon – 34 ka beses sa 146 ka plenary sessions.

(Gin-lubad ni Ma. Trina Belmonte sang West Visayas State University-College of Communications para sa Daily Guardian)

Original Source: https://pressone.ph/fact-check-marcos-jr-among-tardiest-senators-in-16th-congress/

Daily Guardian is part of #FactsFirstPH, which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email editorial@dailyguardian.com.ph and info@factsfirst.ph, or send a message to facebook.com/DailyGuardianPH.